الكبه بزيت والبطاطا بالاعشاب ملكة المقبلات

المقادير

• نصف كيلو برغل اسمر
• بصله صغيره
• حبه بابريكا وسط
• حبه بندوره
• ٣ ملاعق دبس الرمان
• ٣ ملاعق زيت زيتون
• ملعقه صلصه طماطم
• ٣ ملاعق دبس فليفله
• نصف ملعقه كمون
• ملعقه نعنع ناشف
• ملعقه ريحان ناشف
• كميه من الجوز
• حبات الرمان للزينه
• ٤ حبات بطاطا
• ثوم بودره
• مكس اعشاب ايطاليه
• فنجان خل ابيض
• ملح حسب الرغبه

الخطوات

السلام عليكم صبايا زاكي

راح نزل وصفه الكبه بزيت لعيون ام نزار صديقتي

منغسل البرغل غسل بدون نقع

ومنطحنوا على الماكينه مع البصله والبندوره والبابريكا مرتين

مندعكو بعد تاني مره منيح

منضيف الكمون وملح ودبس الفليفله وصلصه الطماطم و٣ ملاعق زيت الزيتون ودبس الرمان والنعنع والريحان ومندعكن منيح مع بعض

بالنسبه لطرق التقديم معكن مجال واسع حسب

مابتحبو

زينتا بجوز وحب رمان وزيت الزيتون

# البطاطا بالاعشاب

قشرت البطاطا وقطعتا على طريقه الودجز

نقعتا بخل وملح ساعه مشان تتحمر وماتشرب زيت

صفيتا وقليتا

وهي سخنه ضفت عليها الثوم البودره وخليط مكس اعشاب ايطاليه

ممكن تحمريا بالفرن

حطي تحتا ورق خبز

رتبي حبات البطاطا ورشي زيت وحمريا وبس تستوي بضيفي الاعشاب

صحه وهنا للجميع