فطيرة الجبنة

المقادير

• صباح الخير لاحلى جروب مبارح وصلني فيديو لفطيرة جبنة بيضة مناسبة للعشاء وانا من النوع اللي بحب اغامر واجرب فقمت جربتها وطلعت بتشهي وهشة جدا وطيبة جدا وبنفس الوقت سريعة ،بس الكمية لا تكفي الا 3 اشخاص او شخصين ،فقمت اليوم الصبح وحبيت اعملها للفطور للي ما حالفهم الحظ مبارح وما اكلوا منها ،بس المرة حشيتها زعتر وجبنة مع بعض .. ما رح اطول عليكم ورح اعطيكم الطريقة . مقادير للصينية الواحدة كاسة ماء دافي معلقتين حليب بودرة معلقة خميرة كبيرة معلقة بيكنج باودر صغيرة معلقتين سكر صغيرة معلقة خل كبيرة ربع كاسة زيت ذرة كاسة وربع دقيق ابيض معلقة ملح صغيرة جبنة بيضة وزعتر للحشوة معلقتين لبن ومعلقة خل لدهن الوجه سمسم لتزيين الوجه

الخطوات

الطريقة

في وعاء حطي الماء الدافي ومعلقتين الحليب والسكر والخميرة والخل والبيكنج باودر والزيت واخلطيهم منيح وهلا بتحطي الطحين والملح وبتخفقيهم منيح لحتى يتجانسو وبتحطي قطع الجبنة بتوزعيه فوق الخلطة او الزعتر وبتغطيهم وبتتركيهم بمكان دافي حتى يتضاعف حجمهم … ،بتسكبيهم بصينية مدهونة زبدة وطحين وبتدخليهم الفرن على حرارة 180 ويكون شبك الفرن مرتفع شوية عن النار ، بس تستوي من تحت وتتحمر وتختبريها بعود الخشب بتطلعيها من الفرن وبتدهنيها باللبن والخل وبترشي سمسم وبتحمريها تحت الشواية

وصحة والف هنا

#فطيرة الجبنة والزعتر .ام نضال