مخلل فلفل الهلابينو الحار والطماطم المجففه مع الاعشاب ملكه المقبلات

المقادير

• نصف كيلو فلفل حار
• راس ثوم
• كوب زيت زيتون
• ملح
• ٢ كيلو طماطم
• ملح
• فلفل اسود
• زعتر اخضر او ناشف
• زيت زيتون

الخطوات

السلام عليكم صبايا زاكي

اليوم راح نعمل سوا طريقه مخلل الهلابينو الحار

لعشاق الاكلات الحاره

منجيب الفلفل الاخضر منغسلو منقطو دوائر لنخلص الكميه ومنرش عليه نصف ملعقه ملح

بعدا منقشر الثوم ومنقطوا قطع صغيره

منجهز مرطبان ومنبلش نعمل طبقات من الفلفل والثوم لنخلص الكميه ومنختم المرطبان بزيت زيتون ومنحتفظ فيه بالبراد بعد يومين منقدر ناكل منو #

الطماطم المجففه

من اطيب انواع الطماطم واستخداماتا كتيره

٢ كيلو بندوره مغسل ومنشف

منقسم كل حبه بالنص

منجيب صينيه الفرن منحط فيا ورق زبده ومنرشا زيت ومنص الطماطم الوجه المقسوم لفوق

لنخلص الكميه منرش على كل حبه فلفل وملح رشه بسيطه

مندخلا فرن على حراره ١٥٠ بتاخد من ساعتين لساعتين ونص حسب كميه السوائل الموجوده بالطماطم

بس تنشف على الاخر وتبرد

متجهز مرطبان واعشاب متل اوريجانو اوزعتر بلدي

ومنطبق الطماطم مع الاعشاب ومنحفظا بزيت الزيتون وبالبراد#

بتقدرو تجففوا البندوره بالشمس

نفس الخطوات بس بدون الفرن

صحه وهنا للجميع