الدجاج المشوي على الطريقه السوريه

المقادير

• كميه من الدجاج حسب الرغبه
• لتنضيف الدجاج:
• ملح
• خل
• طحين
• للتتبيله نحن بحاجه:
• ثوم مهروس ٨ سنن كبار
• معلقه دبس فلفل
• معلقه صلصه طماطم
• عصير ليمونه
• فنجان دبس رمان صغير
• نص كوب لبن
• نص كوب زيت زيتون
• ٤ ملاعق كبيره عسل ويمكن استبدالها ب٤ ملاعق سكر بني
• بهارات مشكله ملعقه صغيره من كل نوع:
• كمون
• كاري
• فلفل اسود
• بهار دجاج
• ملح
• او اي نوع بتحبو انتو

الخطوات

السلام عليكم صبايا زاكي

اليوم راح نعمل سوا الدجاج المشوي على الطريقه السوريه

نبدا الوصفه بتنضيف الدجاج بخل وملح وطحين لنتخلص من اي زفر ومنصفي منيح

منخلط اللبن والليمون والثوم ودبس الرمان والعسل وزيت الزيتون والبهارات

ومنحطن فوق الدجاج ومنخلط منيح لتدخل الخلطه ومنغطيا ولازم نتركا اقل شي ٣ ساعات ويفضل من قبل بيوم

وقت الشوي منرتب القطع ومنحمي الفرن على اعلى حراره مده نصف ساعه بالبدايه وبعدين منخلي الحراره وسط

منشغل الفرن من الجهتين

انا مابحط ابدا مي مع الدجاج المشوي مشان يطلع مقمر @

صحه وهنا للجميع