بسبوسة بالقشطة رائعة جدا
بسبوسة بالقشطة رائعة جدا
المقادير
- ثلاث ارباع كوب زيت ذرة
- 3 بيض
- كوب طحين ابيض
- كوب سميد ناعم
- كوب جوز هند
- كوب لبن يوغرت
- م.ك فانيلا
- م.ك بيكينج
- 3 ملاعق سكر
- قطر
- فستق حلبي للتزيين
- مقادير للقشطة
- كوبين حليب سائل
- 3 ملاعق نشاء ممتلئة
- علبة قشطة
الخطوات
بسبوسة بالقشطة
السلام عليكم ورحمة الله وبركاته
أولاً/ تحضير خليط البسبوسة
اخفقي البيض والفانيلا والسكر والزيت جيدا وثم ضيفي كاسة السميد وبعدها كاسة الطحين مع البيكينج وبعدها اللبن واخر شي كاسة جوز الهند رح يعطيكي قوام اثقل من عجينة الكيك.
ثانياً/ تجهيز القشطة الكذابة
اغلي كاستين حليب بدون سكر وبتكوني مجهزة على جنب نصف كاسة حليب بارد مذاب فيه 3 ملاعق نشاء ممتلئة .
هذه الكمية بتعطيكي طبقة متوسطة من القشطة اذا حبيتي تكون طبقة سميكة ضاعفي الكمية ل4 كاسات حليب و6 ملاعق نشا.
بعد غليان الحليب ارفعيه عن الغاز وضيفي النشا وحركي وارجعيه على النار مع التحريك المستمر بس يكثف ارفعيه عن الغاز وضيفي علبة قشطة واخلطي.
هيك بتكون القشطة جاهزة.
ثالثاً/ التطبيق
صبي نصف كمية العجينة بصينية خبز قياس 28 ودخليها فرن محمي لمدة خمس دقائق فقط وطلعيها من الفرن ضيفي طبقة القشطة وفوقها نصف العجينة الثاني وارجعيها للفرن لمدة تقريبا 20—25 دقيقة وحمريها.
رابعاً/ التقديم
بعد خروجها من الفرن ضيفي القطر عليها وغطيها لتتشرب منيح وعند التقديم زيتي بالفستق الحلبي.
