كبسة الدجاج
كبسة الدجاج
المقادير
- دجاجه منظفه ومغسوله منيح
- ٨ كاسات شاي رز حبة طويله
- ملح
- فلفل
- بهارات كبسة
- بصل
- ثوم
- قرن فليفله حار
- ملعقتين من زيت زيتون للجاج
- ملعقتين من زيت ذره لطبخ الرز
- للزينه:
- لوز
- زبيب مقلي
- بقدوس
الخطوات
بسم االله الرحمن الرحيم
اول شي منقطع الجاج اربع قطع بس ومنعمل بالجاجه فتحات بالسكينه مشان تدخل الخلطه فيها طبعاً انا عملت تلات قطع لانه مافي غير انا وزوجي وبناتي تنين. هلا منفرم البصل والثوم والفليفله عالفرامه ومنشيل شوي للجاج وشوي للرز منملح الجاج لحاله وبعدين بصحن صغير منحط البهارات والفلفل وخليط البصل والثوم والفليفله وزيت الزيتون ونتبل الجاج فيه وعالفرن ساعتين اوحسب فرنك ممكن ساعه ونص انا اخد معي ساعتين الجاج خلصنا منه هلا الرز منحط زيت الذره بالطنجره ومنزل خليط الثوم والبصل والفليفله منخليه بذبل شوي بعدين منحط شوي ملح وشوي وفلفل اسود وبعدين منزل البازيلا والجزروبهارات منخليه يذبل مزبوط بعدين منغسل الرز ومنحطه عليه ومنحط بهارات عالرز كمان ومنذبله مع الخلطه يلي بالطنجره ومخط المي عليه منعلي عليه لحتى يغلي بس يغلي منيح منذوق الملح اذا بده ملح منحط نص كبريتت ماجي ومخليه يغلي كمان شوي واذا حسينا انو لسا حلو ممكن نحط ملح شوي صغيره وممكن ناخذ من نص الكبريته ياي ضل من الماجي ومنخليه يستوي عمله طبعا يكون موطى للغاز بعد ما يغلي لحتى يستوي الزر بس يستوي الرز منجيب الصدر او الجاط يلي بدنا نحط فيه الرز ومنفرده ع قد الصدر بشكل مرتب ومنجيب الجاج بعد ما يستوي مزبوط ومنحطه عالوجه ومنزين بالوز والزبيب والبقدونس. وممكن تعملو سلطه او لبن معه
وصحه وهنا للكل