المسبحة مقبلاتي اللذيذة 2 ملكة المقبلات
المسبحة مقبلاتي اللذيذة 2 ملكة المقبلات
المقادير
- للمسبحة:
- حمص مسلوق منيح نصف كيلو
- 4 مكعبات او قطع صغيرة ثلج
- ربع كيلو او 300 غرام طحينة
- نصف كوب عصير ليمون فريش
- ملح
- لتتبيلة الحمص:
- حمص مسلوق
- بندورة مقطعة
- عصير ليمون
- بقدونس مفروم
- توم مهروس
- زيت زيتون
- ملح
- كمون
الخطوات
☆ بسم الله الرحمن الرحيم ☆
المسبحة من اطيب واروع المقبلات وبتتقدم جنب كتير اكل خاصة اللحوم والمشاوي وهالطريقة سهلة ولذيذة كتير بتمنى تجربوها وتحبوها
لازم الحمص يكون مسلوق شوي زيادة لحتى ينطحن تمام
وبعد السلق منصفيه ومنتركو يبرد عالاخير ومنحطو شوي بالفريزة لياخد برودة منيحة
الفكرة من التبريد وقطع التلج انو بخلي الحمص يصير نااااعم كتير متل مابدنا
اول شي منطحن الحمص وقطع التلج منيح مع بعض بعدين منضيف الطحينة وعصير الليمون واللبن والملح وانا ضفت رشة توم بودرة بس مالها داعي بس حبيت جربها ومنطحنهم مع بعض منييييح ليمتزجو تمام وتشوفو الخليط ناااااعم ومنتركها بالبراد ساعتين او اكتر لتتماسك اكتر واستمتعو بالطعم الرائع للمسبحة..
بالنسبة للحمص المتبل
منخلط المكونات سوا وبصيرو جاهزين ههههه
انا عاملة صحن بلا بندورة وبقدونس وصحن مع بندورة وبقدونس حسب اللي بترغبوه
كتير سهلة ولذيذة
ملاحظة: للتبيلة العيار حسب كمية الحمص اللي حابين تتبلوها
وهنا والف عافية حبيباتي ماتنسوني من دعائكم
