كيكة الشامواه بسيطة ولزيزة
كيكة الشامواه بسيطة ولزيزة
المقادير
- كيك شوكلاتة
- باكتين كريم كرميل
- باكيت بسكوت شاي
- علبة قشطة
- نص فنجان سكر
- كاكاو خام باودر لوجه الكيكة
الخطوات
السلام عليكم ،، كيكة كثير سهلة وبسيطة ومن ازكى الكيكات الباردة ومابتوخذ معك وقت كبير بتحضيرها بتمنى تجربوها وان شاء الله رح تعجبكم
بسم الله نبدأ،،،،،
بنجيب كيك شوكلاته جاهز او محضر بالبيت انا عشان السرعة بعمل الكيك بالمكيرويڤ بوخذ معي تقريباً 8 دقايق حسب المكرويڤ اللي عندي
بس يبرد الكيك بقطعه وبصفو بالبايركس وبسقيه حليب او نسكافيه عشان يظل طري لما احطه بالثلاجة ،
بعمل الكريم كرميل بطريقته المعتادة عالغاز وبس يغلي بشيله عن النار وبضيف باكيت البسكوت وعلبة القشطة ونص فنجان السكر وطبعاً السكر اختياري ممكن ماتضيفيه وبحط هالخليط بالخلاط وبخلط حتى يتجانسو سوا وبعدها بضيفو گ طبقة ثانية فوق الكيك طبعاً بهداوة بضيفو عشان الكيك مايطيش عالوجه ، بتركه يبرد ويجمد وبعدها عالثلاجة بس يبرد تماماً بضيف طبقة الكاكاو البودرة باستخدام منخل الطحين اتركيه بالثلاجة مدة لاتقل عن 3 ساعات وبعدها قطعيه وقدميه مع فنجان قهوة ياسلااااام شي فاخر من الاخر وصحتين ومية هنا ع قلوبكن
