كيفية عمل الزلابيه سهله وطيبه جربوها
كيفية عمل الزلابيه سهله وطيبه جربوها
المقادير
- 4كاسات طحين
- معلقة ملح
- معلقة خميره
- معلقة سكر
- فنجان سمسم حسب الرغبه
- معلقه بكنج باودر
- ماء دافىء للعجن
- زيت زيتون
- زيت عادي للقلي
- رشة كركم
الخطوات
بسم الله نبدا وعلى الله الاتكال
يسعد اوقاتكم حبيباتي حبيت اقدملكم هالوصفه السريعه البسيطه لاني جربتها وعجبتني كثير مع الشاي خاصه والشتويه على الابواب كتير طيبه الزلا بيه بالشتا واليكم الطريقه لعشاق الزلابيه
في البدايه بحضر جميع المواد المذكوره في المقادير ليسهل العمل بقوم بوضع الطحين في في جاط بامكانك استبدال كاسه من الطحين الابيض بكاسة طحين اسمر بضيف للطحين الملح والسكر والسمسم ومعلقة الخميره والبيكنج باودر بعجنو بالماء الدافىء بخلي العجينه وسط لا مرقه ولا يابسه بغطيه وبتركها تتخمر والخميره بتكون حسب الجو ممكن ساعه ممكن نصف ساعه وبعدين بقطعها وبرقها بكون سخنت الزيت مزبوط وبمسك العجينه بهدوء وبنزلها بالزيت الساخن وحده وحده القلي بكون افضل حتى تاخذ راحته بالقلي وبعدين بطلعيه على ورق النشاف حتى يمتص الزيت بس تخلصي بتغطيه شوي ببشكير او فوطه نظيفه حتى يطرا واذا بتحبي القرمشه بلا ما يتغطى بتقدم مع كاسة شاي او بترشي عليه سكر باودر بتقدميه الف صحه وهنا ان شاء الله تنال اعجابكم
استودعتكم لله الذي لا تضيع ودائعه
ووفقكم الله لما يحب ويرضى ربنا يشافي مرضاكم ويرحم موتاكم وجعلكم من اهله وخاصته
