رز مدخن على طريقتي
رز مدخن على طريقتي
المقادير
- دجاجة منظفة ومقطعة
- نص كيلو رز بسمتي
- جزر مقطع مكعبات
- بازيلا مفرزة او معلبة
- زبيب حبة صغيرة
- بصل وثوم
- بهارات الرز:
- هيل مطحون
- قرنفل
- لومي حبة
- عودين قرفة
- كزبرة ناشفة ملعقة
- باكيت ماجي
- كركم
- بهارات الدجاج:
- ببريكا
- كاري
- بهار دجاج او مشاوي
- ثوم بودرة
- سن ثوم مهروس
- عصير ليمونة
- ملعقة خل
- زيت ذرة
- ملعقة صلصة بندورة اختياري
- ملح
- للزينة:
- لوز
- او فستق
الخطوات
السلام عليكم صبايا وشيفات زاكي ، هاي طريقتي بتحضير الرز والدجاج المدخن بتمنى تعجبكم
بسم الله نبدأ…….
أول شي بحمس بصلة مفرومة ومع ثوم مفروم بزيت ذرة او سمنة
بس يذبلوا بضيف قطع الدجاج وبحرك شوي ، بضيف البهارات والماجي اللي ذكرتهن فوق للرز ماعدا الكركم وبحرك شوي بس تطلع ريحة البهارات بضيف مي ساخنة وبزبط الملح وبتركهن لحتى تغلي المي بغليهن من 10 /15 دقيقة فقط وبطفي الغاز
بطلع قطع الدجاج وبصفهن بصينية الشوي وبكون جهزت خلطة بهارات الدجاج المذكورة فوق ودهنت فيها وجه الدجاج ، وباخد مقدار كاسة مرق من ماء سلق الدجاج وبحطها بصينية الشوي وبغلفها بقصدير وبحطها بالفرن لمدة ساعة وبشيل القصدير وبحمرها وبعد هيك بكون ولعت فحمة بحطها بقلب قصديرة بوسط صينية الشوي وبضيف شوية زيت عالفحمة المجمرة وبغلف الصينية بقصدير عشان تاخذ نكهة الشوي عالفحم.
بنيجي للرز بكون نقعتو بماء دافي لمدة نص ساعه وغسلتو
وبطبخو بمرق الدجاج مع اضافة زيت او سمنة حسب الرغبة وقبل مايستوي بعشر دقايق برش الكركم عالوجه وبعمل حفره غيرة بوسط الرز وبحط قصديرة ع شكل وعاء فيها فحمة مجمرةوبضيف عليها اكمن نقطةزيت وبغلف الطنجرة بطبقة قصدير وبغطيها وبتركو يتشرب ويتهدا ع نار هادية وياخذ نكهة الفحم وبس اتأكد انه استوا بطفي النار تحتو وبتركو اقل شي نص ساعه مغطى.
بنيجي للجزر والبازيلا والزبيب بكون خلطتهن سوا وسلقتهن بشوي من مرق الدجاج وبس اتأكد انهم استوو بطفي تحتهن وبصفيهن منيح من الماء وبحمسهن بزيت لحتى يتغير لونهن وبشيلهن ع جنب
وبجيب بصلة مقطعة جوانح وهاي اختياري بحمرها بنفس الزيت اللي حمرت فيه الجزر والبازيلا
عند التقديم بنسكب الرز بصحن التقديم وبرتب الدجاج فوقه وبوزع شرحات البصل المحمر والجزر والبازيلا والزبيب فوق الرز وبرش اللوز المقلي وصحتين وهنا ع قلوبكن
