خبز تركي سلسلة وصفات من تركيا تارارارا 1
خبز تركي سلسلة وصفات من تركيا تارارارا 1
المقادير
- كوب حليب دافئ
- ثلث كوب زيت نباتي
- ثلاث أرباع ملعقة كبيرة خميرة فورية
- بياض بيضة صغيرة ومنخلي الصفار لدهن الوجه
- ثلث كوب نشا
- ملعقة كبيرة سكر
- نصف ملعقة صغيرة ملح
- حوالي كوب ونصف لكوبين طحين او حسب نوع الطحين حطو الطحين بالتدريج ولازم العجينة تضل عم تلزق شوي ومحافظة عطراوتها لتعطي نتيجة رائعة
الخطوات
☆ بسم الله الرحمن الرحيم ☆
بما اني عايشة حاليا بتركيا حبيت بلش هالسلسلة معكم اذا انتو بتحبو كمان وانقللكم بعض الوصفات التركية اللذيذة واعمل دمج ثقافات ههههه
بتمنى تعجبكم هالسلسلة واذا حبيتوها وجربتو شي منها تخبروني برأيكم لأنو عندي فضول اعرف ارائكم بأكلهم
رح ابدى بهاد النوع من الخبز او المعجنات منتشر كتير بتركيا ولذيذ جدا
سهل التحضير وطراوتو رائعة
ممكن ينحشى عالفطور جبنة بيضة او قشقوان او شو مابتحبو
انا عملتلكم ياه سادة والكم حرية الاختيار هههه
منبلش بالطريقة بعون الله
منخلط المواد السائلة اللي هية الحليب والزيت مع السكر والخميرة لتدوب الخميرة والسكر منيح وبعدين منضيف عليهم الملح وبياض البيضة والنشا وكوب من الطحين ومنخلطهم مع بعض ومنبلش نضيف باقي عيار الطحين بالتدرييييج نحنا وعم نعجن لحتى نحصل على عجينة بتلزق شوي
منعجن كتير منيح لتندمج مع بعضها تماما
اذا بتلاحظو بالصورة محل مابحط اصبعتي فورا بيبقى علامة من طراوتها
ماعرفت ورجيكم الا هيك هاد اللي طلع معي هههههه
منحطلا نتفة خفيييفة بس طحين لحتى ماتلزق بالوعاء ومنغطيها ومنتركها تختمر لحتى يتضاعف حجمها بعدين منعملها بشكلها البسيط والمتعارف عليه هون
عبارة عن كرة منبسطها شوي ليصير شكلها قرص مدور وبس
مندهنها بصفار البيضة المخلوطة مع ملعقة صغيرة حليب ومنمشي الشوكة متل مو شايفين لتعطينا بعد الشوي خطوط بشكل حلو
ومنشويها بالفرن المسخن على درجة حرارة 180 لحتى تتحمر
بتلاحظو من جوا بتكون هشة كتير اذا ضغطتو عليها
وبعدا ببلش الهم هم هههههه
يارب تجربوها وتحبوها وتدعولي دعوة حلوة متلكم وهنا والف عافية حبيباتي ♡
