كيكة باردة وكثير زاكية
كيكة باردة وكثير زاكية
المقادير
- 2 ليتر حليب
- 8 ملاعق نشا
- 8 ملاعق طحين
- باكيتين بسكوت سادة
- للنكهات ڤانيلا وكاكاو بس انا هون حطيت حليب محمس بدل طبقة الكاكاو
- سكر
- للزينة:
- جوز هند
- كاكاو
- بسكوت مطحون
- الك الاختيار بالزينة
الخطوات
السلام عليكم ،، كيكة باردة وبتوقع الكل بعرفها الها اكثر من مسمى ، انا بسميها كيكة الطبقات هي بتنعمل طبقات مهلبية والبعض بحط فيها طحين وبيض ، انا هون بعملها طحين ونشا وبدل طبقة مهلبية الكاكاو حمست كاسة حليب بودرة وعملتو طبقة مهلبية وانتو الكم حرية الاختيار بالنكهة اللي بتحبوها
بسم الله نبدأ،،،،،،
اول شي بنصف طبقة من البسكوت بالبايركس او قالب التشيز كيك
بعدها بنجيب ليتر حليب (4كاسات حليب ) بنضيفلو السكر وكاسة الحليب البودرة المحمس وملعقة ڤانيلا و4 ملاعق طحين و4 ملاعق نشا ونذوبهم عالبارد بعدها بشغل الغاز وبظل احرك لحتى تغلي وتبلش تطلع فقاعات من المهلبية بطفي النار وبضيفها فوق طبقة البسكوت
بعد ما احط طبقة المهلبية الاولى برجع بصف طبقة بسكوت فوقها
بعمل طبقة المهلبية الثانية اللي هي 4 كاسات حليب مذاب فيها سكر ،ڤانيلا ، 4 ملاعق طحين، 4 ملاعق نشا وعالنار لحتى تغلي وتبلش تجمد معنا وبضيفها فوق طبقة البسكوت وبتركها تبرد شوي وببلش ازينها حسب مابحب
طبعاً لازمها ثلاجة مش اقل من ليلة كاملة عشان لما تقطعيها تطلع معك قطع وماتسيح ، وممكن تعمليها بصحون صغار او كاسات مش ضروري بالبايركس او قالب التشيز كيك
وصحتين ومية هنا ع قلوبكم
