سندويش المسخن الفلسطيني من سلسلة وصفات حول العالم 1
سندويش المسخن الفلسطيني من سلسلة وصفات حول العالم 1
سندويش المسخن الفلسطيني من سلسلة وصفات حول العالم 1
المقادير
- كيلو صدور دجاج مقطعة شرايح رفيعة
- كيلو بصل مقطع جوانح
- كمية وفيرة من زيت الزيتون
- بهارات
- ملح
- فلفل اسود
- حوالي اربع ملاعق سماق
- وانا حطيت للجاج:
- رشة قرفة
- رشة هيل
- بهار جاج
- خبز شاورما او يمكن بتقولولو خبز شراك
الخطوات
☆ بسم الله الرحمن الرحيم ☆
حبيت بلش هالسلسلة المنفصلة عن سلسلة الأكلات التركية رغم اني مترددة بصراحة بس بوعدكم إني حاول قدملكم افضل ماعندي بعون رب العالمين لنتعرف انا وياكم مع بعض على اكلات جديدة من مختلف أنحاء العالم ونجربها سوا
حبيت بلش بالمسخن الراااائع بصراحة لأني كل ماشفت وصفة مسخن نازلة كنت اشتهي جربها وارجع اتردد
لحتى توكلت على رب العالمين وعملتا وندمت على كل مرة ترددت فيها ههههههه
طبعا انتو اعرف مني حبيباتي ويمكن تطلعلي تعليقات عن شي خطأ بطريقة الوصفة واكيد بتقبل اي نقد للوصفة وبتعلم منكم
فاذا عندكم شي فيدوني الله يجزيكم الخير..
يلا منبلش بالطريقة السهلة كتير
مندبل البصل بزيت الزيتون عالنار ومنغطيه ومنتركو يستوي ويس يستوي منضيف الجاج والبهارات ونصف كمية السماق ومنقلبهم مع بعض منيح ومنخليهم كمان ليستوو
بس يستوو منقيمهم على قلاية كبيرة ومنضيف عليهم باقي السماق وزيت زيتون كمان شوي ومنشغل على نار عالية لحتى يتحمرو شوي منطفي
منلفهم بالسندويش ومندهن السندويشات بزيت الزيتون من كل الجوانب ومندخلهم الفرن ليشقرو وبعدين منستمتع بطعم هالأكلة اللذيذة
طبعاً بالنسبة لعمل المسخن في الطريقة التانية اللي منسلق فيها الجاج سلق بس بما انو عملتهم سندويش واستخدمت صدور الدجاج حبيت اعملهم بهالطريقة
وتحية لأحلى أهل فلسطين وأكلاتهم الرائعة ♡
بحبكم من كل قلبي وبتمنى تعجبكم الاكلة وفكرة السلسلة الجديدة وتدعولي دعوات حلوة متلكم..
