قراقيش فلسطينيه على طريقه الصديقه حور وساندويش البيض والجبنه سلسله سهل وسريع 8
قراقيش فلسطينيه على طريقه الصديقه حور وساندويش البيض والجبنه سلسله سهل وسريع 8
قراقيش فلسطينيه على طريقه الصديقه حور وساندويش البيض والجبنه سلسله سهل وسريع 8
المقادير
- مقادير القراقيش:
- 2 كوب طحين اسمر
- كوب طحين ابيض
- ربع كوب نشا
- نص كوب زيت نباتي
- رشه ملح
- معلقتين كبار قزحه
- معلقتين كبار سمسم محمص
- معلقه كبيره يانسون حب
- معلقه كبيره شومر مطحون
- مقادير ساندويش خبز الصاج بالجبنه والبيض خبز صاج:
- بيض مخفوق مع رشه لفلفل اسود ورشه ملح
- جبنه شرحات
- زيتون اسود واخضر
- شرحات بندوره
الخطوات
بسم الله نبداا
بما انو الشتويه وصلت صار بدنا حلويات من هنوع
وحابه اشكر الصديقه العزيزه حور على هالوصفه الطيبه جربوها وما رح تندمو كتير زاكيه لاتنسونا من دعواتكم الحلوه
طريقه تحضير القراقيش
بنضيف جميع المقادير الجافه مع بعض وبنخلطهم وبنضيف الزيت وبنفركو معهن منيح وبندير كوب المي وبنعجنهن مع بعض لما تسير عنا عجينه طريه ومتماسكه وما بتلزق. بنرق العجينه هون حابه انوه كل مرقينا العجينه اكتر بتطلع اطيب وبنقرش اكثر وبنشكلها حسب الطلب وبنقليها بزيت غزير لما تتحمر بنطلعها من الزيت وبنسقطها بقطر باااارد وبنقلبهم شويه بالقطر وبنصفيهم وبنحطهم بصحن التقديم والف صحه وهناا يا رب
ان شاء الله تجربوها وتعجبكم
طريقه تحضير سانويش البيض بالجبنه بنقلي البيض المخفوق بزيت مع التقليب المستمر لنحصل على الشكل المطلوب وبس يستوي البيض عطول بنحضر الساندويش بنفرد خبز الصاج وبنحط كميه منيحه من البيض المقلي وبنحط زيتون اخضر واسود وبعد هيك بنحط شرحات البندوره والجبنه
وبنلفها وبنحمرها بالمقلا لتذوب الجبنه وتقدم مع الكاتشاب والف صحه وهناا ان شاء الله تحبوها
تحياتي الكم جميعا صديقتكم رشا ام احمد
