كيكة اللاتيه حلو بارد

المقادير

• ظرفين كريما
• ظرف كرميل
• كوب صغير حليب
• 3 ملاعق نسكافيه
• ملعقة قهوه
• 3 باكيتات بسكويت ساده
• للتزين :
• شوكولاته
• بسكويت مطحون

الخطوات

يسعد أوقاتكم …اليوم راح اقدملكم طريقتي بعمل

~كيكة لاتيه~ ان شاء الله تعجبكم

ويلا مع شرح الطريقه …..

&اول شي بنذوب معلقه ونص نسكافيه مع معلقة القهوه بنص كوب ماء دافيء وبنتركهم لحتى نخفق الكريما عشان تكون عندي القهوه تصفت وعند استخدامها بصفيها من الحثل تاع القهوه

& بعدين بنخفق ظرفين الكريما بكوب صغير حليب بارد جدا ومن بعد ما يتم خفقها مزبوط وتجمد شوي بنضيف ظرف الكرميل ويلي تبقى من النسكافيه يلي هي معلقه ونص وبنرجع نخلطهم مزبوط ..

& والخطوه الأخيره بنبلش بتشريب البسكويت بالنسكافيه والقهوه واصفطهم بالبايركس ولما اخلص اول طبقه بضيف فوق البسكويت الكريما ..وبنفس الطريقه طبقة بسكويت وطبقة كريما وأخر طبقه بتكون الكريما

& التزيين ..لكي الخيار بالتزيين ..انا زينتها ببسكويت مطحون وبرشت شوكولاته ..ووضعتها بالتلاجه لوقت التقديم بتاخذ وقت بالتلاجه لسااعات ..واذا كنتي مستعجله أوضعيها باللفريزر بتاخذ وقت أقل

اذا تم عملها من قبل بيوم بيكون أفضل

ملاحظه : أنا أستخدمت نسكافيه 3in1

وصحه وعااافيه ..