حلو طبقات مهلبية الكاكاو مع البسكويت

المقادير

• 2 باكيت بسكويت ساده
• 3 كوب حليب سائل
• 3 ملاعق نشا
• ملعقه ونص كاكاو باودر
• علبه صغيره قشطه
• سكر حسب الرغبه
• للتزين :
• مكسرات
• بسكويت مطحون

الخطوات

يسعد أوقاتكم …اليو راح اقدملكم طريقة المهلبيه مع طبقات البسكويت سهله ولذيذه

ويلااا مع الطريقه …..

& بنضيف مكونات المهلبيه مع بعضها عالغاز يلي هي الحليب والنشا والكاكاو والسكر

( انا استخدمت لكل كاسة حليب معلقتين سكر ) بخلطهم سوا قبل وضعهم عالنار عشان النشا والحليب يذبو بالمي قبل ما تسخن ومن بعد ما يذوبو مزبوط بضعه عالغاز وبحركهم عشان ما ينحرق باخر الطنجره …لحتى يثقل عندي الخليط وأول ما يبلش يغلي بطفي الغاز .. ولما تجهز عندي بضيفلها علبة القشطه وبحركهم مزبوط لتذوب القشطه

& بعدين بجيب البسكويت وبكون طاحنته من قبل وبجهز صحون التقديم بضع طبقة بسكويت ومن ثم طبقة مهلبية ووهيك طبقات لحتى ينتهي عندي خليط المهلبيه وأخر طبقه بتكون المهلبيه ..

& وأخر شي التزين ..زينتها بالبسكويت المطحون والمكسرات وهيك بتكون جاهزه بضعها بالثلاجه لحين وقت التقديم …

وألف صحه وعااافيه …