الملفوف اكله شتويه طيبه وصحيه

المقادير

• ملفوف
• رز
• بصل
• زيت
•  لحمة
• ملح
• فلفل أسود
• بقدونس
• بندورة
• توم اختياري حسب الرغبه
• معلقة كركم

الخطوات

بسم الله نبدأ

يسعد اوقاتكم يا امورات ربنا يحفظكم ويهدي بالكم جميعا ….قولوا امين

طبعا الملفوف من الاكلات الصحيه والمفيده والشتويه الي غالبية الناس بتعشقها وهو من الخضروات الورقيه المفيده للجسم سواء كانت نيه او مطبوخه وبتحافظ على رشاقة الجسم ومفيده بتنظيف الامعاء وتسمى مكنسة الامعاء لانها تنظف الامعاء من الدهنيات العالقه بهاهي والخس والجرجير وكل الورقيات

طبعا الكل بتفنن بالملفوف وبعمله وكل وحده الها طريقتها في الطبخ اليوم حبيباتي حبيت اقد طريقتي ان شاء الله تنال اعجابكم

طبعا بالبدايه بنسخن المي وبنحضر الملفوف للسلق انا كنت اطلعه ورقه ورقه فلقيتها طريقه متعبه اتبعت طريق تانيه سرت اشيل العقده يلي بالاعلى واقسمه الى اربعة اقسام واذا راس الملفوف صغير اقسمه لقسمين وبعد السلق بنسفط الورق وبنرتبه وبنشيل العصب منه وبنجهزو للف

طبعا بكون غسلت الرز ونقعته حوالي نصف ساعه بماء ساخن شوي مش كتير وبضيفله معلقة العصفر الصغيره وبحركه حتى احصل على اللون الاصفر اذا بتحبي الرز ابيض بلا من العصفر انت حره اثناء النقع بفرم بصله زغيره وبضيفلها الزيت وبقلب اللحمه مع الملح والفلفل الاسود والكاري وفي نا بحبو اللحمه نيه على الرز كله حسب الرغبه وبقلب اللحمه شوي وبقطع البقدونس والبندوره وبضيفهم للرز بعد ما يكون نقع منيع ونغسل منيح وبعدين بضيف اللحمه على الارز وبضيف جميع البهارات والملح وبحركهم كويس وببلش بلف الملفوف ما تنسي تسمي حتى ربنا يلارك ويسهل عليك الشغل

بسم الله الرحمان الرحيم اللهم اعني ولا تكلني لنفسي طرفة عين او اقل من ذلك فعلا ما رح تحسي كيف لفيتي الملفوف وهذا ينطبق على كل عمل في حياتنا اليوميه

طبعا بحضر الطنجره وبضيف بقاعها عصب الملفوف حتى يحمي الملفوف من اي تعرض للشعطه او الحرق وصف الملفوف فوقه وعلى الوجه بضيف الورق الصغير يلي ما التف معي لانه مفيد جدا خصوصا للي عاملين رجيم وما بدهم يكثرو رز

وبترشي الملح على وجهالطنجره مع شويه زيت وبتغمريه بالمي بس اناعمري ما طبختو بالمي بكون عندي شوربة لحمه اودجاج قبل بيوم او يومين عادي بغليها وبدرها بهدوء على الملفوف حتى ينغمر هيك عياره لاترفعي الشوربه كتير واذا حطيتي شوربه طبعا بتكون مملحه خففي عيار الملح شوى لا تحكولي ماجي الماجي استخدموه عن الضروره خففو قد ما تقدرو لانه مضر خصوصا بصحة الاطفال ويحتوي على احادي الصوديم القاتل للدماغ والاعصاب

اطفالنا امانه في اعناقنا

كثرة الماجي دمار لهم حفظهم الله جميعا

طبعا وبنشعل الغاز على العالي بعد ما يغلي بشوي بنوطي الغاز وبنغطي الطنجره وبتركه الا ان ينضج بتقدم مع لبن وسلطات وزيتون او شوربات او اذابتحبي لحاله زي مابدك

وصحه وهنا على قلوبكم

استودعتكم لله الذي لا تضيع ودائعه