فطور صباحي بالمقلاه بدون فرن سهل ولذيذ

المقادير

• 4 كاسات طحين
• فنجان زيت
• معلقة خميره فوريه
• معلقه كبيره سكر
• معلقة خل
• معلقة ملح زغيره
• معلقتين لبن زبادي
• او معلقتين حليب باودر
• ماء للعجن
• جبه مزوريلا وجبنه عكاوي مخلوطين مع بعض او شيدر كله حسب الرغبه
• زعتر اخضر او ناشف الكميه حسب الرغبه

الخطوات

بسم الله نبدا

اخواتي الحبيبات يسعد اوقاتكم عملت هذا النوع من المعجنات السريعه وعجبني كتير والحلو فيه بتقدري تعملي كميه بسيطه على قد الفطور او حتى العشا مع كاسة شاي بالنعنع او الميرميه يا سلام على فكره طيب وهو بارد وطيب وهو سخن على الجهتين وهذه الاكله سبحان الله الها بكل دوله اسم معين

اول شيء بنحضر صحن غميق للعجن وبخلط المواد الجافه مع بعض وبنخلط السكر والخميره بشوية مي دافيه وبنحركهم وبنتركهم يتخمرو وبنضيفهم للخليط موبحركهم كويس وبنضيف الزيتزومعلقة الخل وبنبلش نعجن بالماء الفاتر شوي شوي حتى نحصل على عجينه متماسكه ما بتلزق بالايد بعنجنها مزبوط وبنغطيها نرتاح لمدة نصف ساعه وبتقطعيها على صينيه وبتتركيها ترتاح وبتكوني راشه الصينيه طحين او بتدهنيها بالزيت لوما تخمر كتير عادي لانه في ناس بعملوه بدون خميره وبتبلشي شغل انا عملت طريقتين موضحين بالصور الطريقه الاولى متل المطبق بترقي العجينه طبعا بتكوني محضره الحشوه عباره عن جبنه بيضاوجبنه شيدر او جبنه مزريلا مع زعتر ناشف او مفرز او اخضر المتوفر وبتخلطيه مع الجبنه وبتحطي الجبنه وسط العجينه الي رقيتيها وبطبقيها متل المطبق من الجهات الاربعه وبتتركيها ترتاح وبترقيها بايدك مره تانيه

الطريقه التاني بترقي العجينه شوي مو كتير وبتحطي الخلطه بوسطها وبتسكريها وبتتركيها ترتاح وبعدين بترقيها مره تانيه وكرري العمليه

طريقة القلي هون ما بتحطي زيت غزير شوية زيت لما يسخن الزيت بتنزلي العجينه وس تحمر بتقلبيها على الوجه التاني طبعا بجنبك صحن او كوب زيت بتضلي تحطي يالمقلى شوي شوي واذا الز يت مخلوط مع زيت زيتون بكون احسن واطيب

بس اوعي النار تكون عاليه هيك بدخن الزيت وما بزبط القلي بدك تعمليهاعلى نار متوسطه حتى تحصلي على النتيجه المطلوبه

وبتقدميه مع الشاي الساخن اوبدون برجع لذوقك الشخصي

والف صحه وهنا

استودعتكم لله الذي لا تضيع ودائعه