كيكة على شكل لعبة سودوكو

المقادير

• مقدار اي نوع كيك
• كريمة سائلة ( نص لتر )
• اربع معالق كريمة بودرة
• صبغات
• علبة فواكه مشكلة

الخطوات

عملت كيكتين عادي بالطريقة المعتادة سواء فانيلا او شوكولا وخبزتهم وخليتهم يبردو بعدين حضرت الكريمة عشان اغلف الكيكة

حطيت نص لتر كريما سائلة في وعاء وحطيت عليها اربع معالق كريما بودرة وخفقتهم عشر دقايق بعدين دهنت الكيكة الاولى وحطيت عليها فواكه وحطيت فوقها الكيكة التانية وغلفتها كامل بالكريمة وبعدين زينت اطراف الكيكة بكريمة عليها صبغة واخر شي حطيت جزء من الكريم بكيس حلواني ورسمت لعبة السودوكو متل اللي بالصورة.

ملاحظة : صورتلكم لعبة سودوكو الاصلية

هاي الكيكة عملتها لبابا لانه من عشاق هاي اللعبة

الله يطول بعمره

ملاحظة من الأدمن: لعبة السودوكو الموجودة في الكيكة مزبوطة لو حد حابب يحلها بيقدر حلوها وابعتولي الحل على البريد تبعي وأنا راح أعمل منشور فيه أسماء الناس اللي حلوها يلا خلينا نتسلى مع بعض