حراق اصبعوا بالسوري ورقاق وعدس بالفلسطيني ومجدرة
حراق اصبعوا بالسوري ورقاق وعدس بالفلسطيني ومجدرة
حراق اصبعوا بالسوري ورقاق وعدس بالفلسطيني ومجدرة
المقادير
- المجدرة:
- عدس
- ملح
- كمون
- فلفل اسود
- رز
- بصل شرايح
- زيت قلي
- الرشتا او الحراق باصبعه:
- مكونات
- كوب عدس حب
- بصلة كبيرة جوانح
- كوب بقدونس
- نص كوب زيت زيتون
- دبس رمان
- فنجان رمان حب
- ملح
- فلفل اسود
- كمون
- معلقة سماق
- المعكرونة العريضة الفوتشيني بدل رقائق العجين
- رقائق العجين:
- كوب طحين
- رشة ملح
- ملعقتين كبيرتين زيت زيتون
- ماء دافئ للعجين
الخطوات
- المجدرة معروفة يعني بنسلق العدس وبنضيفله ملح وكمون وفلفل اسود .وبننقع الرز وقبل لايستوي بشوي العدس بنضيف الرز وبنحركهم منيح وبنقلي بصل شرايح وبنضيف زيت البصل للمجدرة وبنزين المجدرة بالبصل المقلي اما الرشتا او الحراق باصبعه . طبعا في ناس بيستعمل المعكرونة العريضة الفوتشيني بدل رقائق العجين .لكن ان بحب اعمل الرقائق في البيت. العجينة هي عبارة عن كوب طحين رشة ملح ملعقتين كبيرتين زيت زيتون وماء دافئ للعجين مكونات الرشتا كوب عدس حب بصلة كبيرة جوانح كوب بقدونس نص كوب زيت زيتون لقلي البصل والخبز دبس رمان فنجان رمان حب ملح فلفل اسود كمون معلقة سماق
الطريقة الرشتا
بنعجن الطحين والملح والزيت وبنترك العجينة ترتاح
بنحط العدس الحب ع النار بعد ما نغسله طبعا وبنضيف الملح والفلفل الاسود والكمون وجميع المطيبات للعدس وبتركهم ع النار ليستوي العدس ونضيف معلقة دبس رمان للعدس
بنرق العجينة بالطول لحتى تصير شفافة بنبرمها على بعض بشكل رول وبنقطع العجين بالسكين ونبدأ نفتح كل قطعة ونفردها ع الطاولة
بنقصها لقطع صغيرة ونضيفها للعدس ونحركها ونتركها تستوي مع العدس
بنرق العجينة اللي زادت وبنقطعها لمربعات وبنقليها ونحطها ع جنب
نقلي البصلة شرائح ونحطها ع جنب
الزيت اللي بنقلي فيه البصل ومربعات العجين. بنضيفه للعدس
نسكب العدس والرقاق في صحن التقديم ونزينه بالبقدونس ومربعات الخبز المقلية .والبصل المقلي جوانح وحب الرمان
ورشة سماق .
وصحة وهنا
#حراق اصبعه ام نضال
