صفيحة باللحمة وفطاير جبنة
صفيحة باللحمة وفطاير جبنة
صباح الخير لاحلى جروب اليوم عملت صفيحة لحمة وفطاير جبنة طلعت بتشهي . بعجينة العشر دقايق ..ممممممممم
المقادير
- مقادير العجينة:
- 5 كاسات طحين
- 3 كاسات ماء دافي
- معلقة كبيرة خميرة
- معلقة كبيرة سكر
- فنجان لبن رايب
- رشة ملح
- معلقتين زيت زيتون
- مقادير الحشوة:
- كيلو لحمة مفرومة ناعمة
- 3 حبات بصل
- 3حبات بندورة
- معلقة معجون طماطم كبيرة
- معلقة دبس رمان كبيرة
- معلقة بابريكا كبيرة
- معلقة كبيرة زيت زيتون
- معلقة دبس فليفلة وبامكانك الاستغناء عنه
- 4 فصوص ثوم
- معلقة ملح
- معلقة فلفل اسود
الخطوات
الطريقة
بالنسبة لعجينة العشر دقائق
بتحطي بوعاء كاسة ونص ماء دافي ومعلقة الخميرة ومعلقة السكر وبتذوبيهم منيح وبتضيفي كاستين طحين وبتخلطيهم منيح وبتتركيهم عشر دقائق ..بعدها بتضيفي اللبن ورشة الملح وبتضيفي كمان كاسة ونصف ماء وباقي الطحين وبتعجنيهم منيح وبتحطي ع الوجه معلقتين زيت وبتخلطيهم منيح
بتفردي قطعة قماش وبترشي عليها طحين وبتقطعي العجينة لكرات صغيرة وبتتركيها ترتاح لحتى تجهزي الحشوة
تجهيز الحشوة
في محضرة الطعام بتفرمي البصل والتوم والبندورة لحتى يصيروا ناعمين
بتحطيهم بوعاء وبتضيفي اللحمة وجميع المكونات المذكورة فوق
بتفردي كرات العجين وبتفردي فوقهم اللحمة وبتحطي قطع بندورة صغيرة وبتخبزيهم بالفرن على حرارة ٢٠٠ وبتحمريهم
والجبنة هي جبنة طرية مغلية بمي حلوة ومصفيه وبضيفلها شوية بقدونس مفروم ..
والف صحة وهنا
#صفيحة اللحمة وفطاير جبنة …. ام نضال
