المنسف عالطريقتي
المنسف عالطريقتي
المقادير
- دجاجه
- 2 ك لبن رايب
- 1 ك أرز قصير الحبه
- زيت قلي
- كركم
- ملح
- راس بصل مفروم
- معلقة هيل مطحون
- بيضه
- أو معلقة نشا للبن
الخطوات
يسعد أوقاتكم …راح اقدملكم طريقتي بالمنسف
أن شاء الله تعجبكم …
ويلااا مع الطريقه ….
&اول شي من بعد تذويب الدجاج بقليه بزيت قلي ومن بعد القلي بغسله مره وحده عشان اذا في اشياء عليه من بعد القلي تروح
& ومن ثم بضيفله مي وما بكثر يعني يكون الدجاج لسى مبين من المي وبضعه عالنار عاليه ..ومن بعد ما يغلى بحطله راس بصل مفروم ورشة ملح ورشة هيل مطحون وبخليه يغلى لحتى ما اجهز اللبن
& وتجهيز اللبن : انا استخدمت لبن رايب غنم وما استخدمت الجميد هالمره لانه مو كتير عليتي بتحبه ..بستخدمه عالعزايم اكتر شي ..بضرب اللبن بالبلندر
وبضيفله يا أما بيضه مع الخفق او نشاا عشان ما يفرط اللبن بالاخص اذا كان لبن بقر ومن بعد خفقه بغليه لحتى يغلي بطفي تحته …
ملاحظه : البيضه انا دائما بضيفها للبن وما الها اي طعم ظاهر بتختفي …
& من بعد غليان اللبن بضيفه عالدجاج وبضيفله كركم وبخليه يغلي مع الدجاج ومية الدجاج عشان ياخذ الطعم وبخليه شوي من الوقت لما اشوفه تمام بطفي تحته
& من بعد ما يجهز عندي اللبن والارز … بسكب الارز بالجاط او السدر وبضع الدجاج عليه ..وبزينه باللوز المقلي … وبصفي البن وبقدمه مع الارز…
ويقدم مع البصل والجرجير اذا بتحبوو
وصحه وعافيه
