سباغيتي بالصوص الاحمر
سباغيتي بالصوص الاحمر
المقادير
- باكيت معكرونة سباغيتي
- نصف كيلو لحمة مفرومة
- 4 حبات بندورة حمراء
- فليفلة خضراء
- بصل
- صلصة بندورة
- ملح وفلفل
- ماجي
- زيت زيتون
- جبنة موزريلا
الخطوات
السلام عليكم ورحمة الله وبركاته
أولاً/ تشويح اللحمة
نقلي بصلة في زيت زيتون ونضيف لها اللحمة نشوحها منيح وبنضيف الفليفلة والبندورة المقطعه ناعم وملعقتين صلصة بندورة وبنخليها تتسبك مع ملح وفلفل.
ثانياً/ المعكرونة
بنسلق المعكرونة بكمية ماء متوسطة لاني مارح اصفيها، وبضيف ملح وفلفل وماجي وصلصة بندورة .
الهدف من الاضافات عالسلق انه بدياها كلها بطعم المعكرونة ومارح ارمي ميتها ولا اصفيها رح اخليها تستوي وتتكثف الصلصة من نشا المعكرونة.
ثالثاً/ التطبيق
بعد استواء المعكرونة واللحمة بنضيفهم على بعض بصينية كبيرة وبنضيف جبنة موزريلا وبنخلط كلشي مع بعض ، وبالاخر بضيف جبنة على الوجه كمان.
رابعاً/ التحمير
بغطي الصينية بقصدير وبدخلها فرن شاعل من فوق ربع ساعة وبكشف القصدير وبحمرها، انتبهي رح تتحمر بدقيقة وحدة لان الفرن حامي.
خامساً/التقديم
قدميها ساخنه واستمتعي فيها مع عائلتك.
