حلوى هيرا سلسلة الوصفات التركية 2
حلوى هيرا سلسلة الوصفات التركية 2
المقادير
- بيضة
- نصف كوب زيت نباتي
- نصف كوب لبن
- رشة ملح
- باكيت فانيليا
- باكيت بيكينغ باودر
- كوب سميد ناعم
- كوب طحين
- للقطر:
- كوب ونصف سكر
- كوب ونصف ماء
- عصرة ليمون
- او رشة ملح الليمون
الخطوات
☆بسم الله الرحمن الرحيم☆
اول شي منخلط البيض مع الزيت واللبن
بعدين منضيف السميد ورشة الملح والفانيليا والبيكينغ باودر ومنخلطهم منيح
منغطيهم ومنتركهم عشر دقايق بعدين منضيف الطحين ومنخلط منيييح ليتشكل عنا عجينة منشكلها على شكل كرات بأحجام حسب الرغبة ومندحرجها بالسميد الناعم
هي الخطوة بتعطي قرمشة لذيذة كتيييير بعد الشوي
منشويها بفرن محمى على درجة حرارة 180 لحتى تتحمر من تحت ومن فوق ومنطالعها وهية سخنة تماما وفورا منصب عليها القطر بكمية وفيرة
عيار القطر اللي حاطتو انا فوق استعملتو كلو لهالعيار من الحلو
للقطر ((كوب ونصف سكر + كوب ونصف ماء + عصرة ليمون او رشة ملح الليمون)) ومنغليهم سوا حوالي 10 دقايق ومنطفي تحتهم بحيث لما يستوي الحلو يكونو صارو فاترين او دفى خفييييف واذا بتحبو الاكلة حلوة اكتر عملوهم كوبين سكر وكوبين مي
يارب تجربوها وتعجبكم حبيباتي وصحة والف هنا♡
