لسان العصفور حلوى شعبيه مغربيه لذيذه ومقرمشه ملكة الحلويات الشعبيه
لسان العصفور حلوى شعبيه مغربيه لذيذه ومقرمشه ملكة الحلويات الشعبيه
المقادير
- 4كوب طحين ابيض
- نص كوب زيت نباتي أو نص كوب زبده سايحه
- كوب ماء دافئ مخلوط مع القليل من ماء الزهر حسب الرغبه
- باكيت بيكنج باودر
- معلقه كبيره فانيلا سائل
- رشه ملح
- معلقتين كبار سكر
- صفار بيضه واحده
- نص كوب نشا لرق طبقات العجينه
- خليط التلزيق:
- معلقتين طحين
- اربع معالق ماء
- قطر بارد مقدار القطر كل:
- كاستين سكر
- كأس ماء
- عصره ليمون
الخطوات
بنخلط جميع المكونات الجافه مع بعض الطحين والسكر والملح والبيكنج باودر وبنعمل حفره بوسط الطحين وبنضع صفار البيضه والماء والفانيلا والزيت وبنعجن جميع المكونات جيدا مع بعض وبنريح العجينه ربع ساعه وبعد هيك بنقسم العجينه كرات صغيره وبنتركها تتريح عشر دقايق وبنبلش نرق قطع العجينه باستعمال النشا وبس نخلص رقهم جميعا بنخبزهم بمقلااه غير لاصقه لنشفهم مع مراعاه الحفاظ على لون العجينه ان يبقى فاتح وبعد الانتهاء من خبزهم جميعا بنلفهم كل قطعه رول متل الساندويش وبنلزق اطرافهم بخليط التلزيق وبنقطعهم بشكل مائل يشبه لسان العصفور وبنقليهم بزيت حرارتو وسط عنار هاديه جدا مع الانتباه لانو سريع الاستواء وعطول بعد ميكتسبو اللون الذهبي بنطلعهم عطور بالقطر البارد
وبنقلبهم لما يتشربو القطر بنطلعهم وبنصفيهم من القطر وبنضعهم بصحن التقديم ويزينو حسب الرغبه انا زينتهم بالسمسم ويقدم والف صحه وهنا يا رب بتمنى تجربوها وتعجبكم
خليط التلزيق معلقتين طحين اربع معالق ماء بنخلطهم مع بعض ويستعمل
- قطر بارد مقدار القطر كل كاستين سكر كأس ماء عصره ليمون يترك ليغلي على المار لمده عشر دقائق ويبرد قبل الاستعمال
ملاحضه هامه جدا يجب تغطيه العجين جيدا بنايلون بلاستيك او فوطه المطبخ الرطبه اثناء جميع مراحل التحضير قبل مرحله القلي حتى لا ينشف ويتكسر اثناء اللف والتحضير
ملاحضه يجب دهن المقلاه بالزيت النباتي اثناء تنشيف رقاقات العجين بين كل رقاقه ورقاقه ندهن زيت خفيف بالفرشاه
تحياتي الكم جميعا رشا م احمد
