قطايف بالقشطة ملكة الحلويات الشعبية

المقادير

• قطايف عصافيري او حجم وسط جاهزة
• قشطة قيمر
• فستق حلبي
• قطر

الخطوات

القطايف حلو رمضاني بتاكل شوي او قلي او عادي ، وصرنا بهالايام ع مدار السنة ناكله بس طبعاً طعمته برمضان مختلفة سبحان الله ، قدمتلكم اياه اليوم بطريقة بسيطة جداً وخفيفة وطيبة كثييييير .

بسم الله نبدأ،،،،،،

بنحشي القطايف قشطة قيمر ونسكر ثلثين الحبة ونترك طرفها مفتوح او العكس نسكرها بالاول ونترك طرفها مفتوح وبعدين نحشيها ، بكمل الكمية كلها بنرشلها فستق حلبي مجروش وبنكون عاملين قطر ثقيل ومعسل وهاي طريقته:

كاستين سكر وكاسة مي عصرة ليمون ، ماء زهر

بناخذ مقدار ملعقتين من السكر وبنكرملو بقاع الطنجرة اللي بدنا نعمل فيها القطر وبس يشقر السكر بنظيف كاسة المي وباقي كمية السكر وبس يغلي بتركو عشر دقايق يغلي وآخر خطوة نعصر عصرة ليمون مع نقطتين من ماء الزهر اذا كان مركز واذا كان خفيف ملعقتين وغلوة وطفي النار عليه.

عند التقديم بشرب القطايف بالقطر بشكل خيطان بسيطة ولازم القطر يكون بارد وطبعاً بكون قوامه مثل العسل وصحتين وعافية