مبروشة بمربى الفراولة ملكة الحلويات الشعبية

المقادير

• كاستين طحين وممكن اكثر حسب نوع الطحين
• نص كاسة سكر باودر
• ربع كاسة زبدة
• حبتين بيض مع عصرة ليمون
• ملعقة ڤانيلا كبيرة
• ملعقة بيكنغ باودر
• مربى فراولة

الخطوات

حلو زاكي كثير ومكوناته سهلة ومتوفرة .

بسم الله نبدأ،،،،،،

بنخفق الزبدة والسكر ، وبنضيف البيض الڤانيلا وعصرة ليمون ونخفقو، بنكون خلطنا الطحين بالبكينغ باودر ونضيفو بالتدريج للخليط ويمكن نحتاج طحين زيادة المهم بالنهاية تطلع معنا عجينة طرية ومابتلتصق بالايدين ، بنشيل منها جزء تقريبا الربع ، وبندهن صينية بزيت ونفرد الجزء الكبير من العجينة ونرفع حوافها ،، سمك العجينة بالصينية لازم يكون 1 سم تقريباً، بنفرغ المربى بصحن بخفقو بشوكة عشان اقدر افردو عالعجين ، العجينة المتبقية بحطها بالفريزر ربع ساعة وببشرها فوق المربى او بفردها ع مكان نظيف وبقطعها اشكال او مستطيلات وبزين فيها فوق المربى، بتنحط بفرن محمى مسبقاً درجة 180 حسب حرارة فرنك واذا كان حامي نزليه ل 150 وبس يشقرو الحواف وتنشف العجينة من فوق بحمرها وبس تبرد رشيها بسكر بودرة وصحتين وهنا على قلوبكم