محاشي مشكلة
محاشي مشكلة
المقادير
- كوسا
- باذنجان صغير او وسط
- بصل
- بندورة
- خيار
- بطاطا (اختياري)
- جزر (اختياري)
- فلفل حلو (اختياري)
- كل شي ممكن تحفريه وتحشيه بيطلع زاكي
- رز
- لحمة مفرومة
- بندورة مفرومة
- انا بحب أضيف ثوم مهروس للحشوة حسب الرغبة
- ملح
- فلفل أسود
- بهارات مشكلة
- أو بهارات محاشي
- قطع لحمة
- أو دجاج المتوفر حتى لو جنحان ورقبات الجاج لطعمة أطيب خصوصا للي ما بتستعمل الماجي بطبخها متلي
- شرحات بصل
- حبات ثوم
- شرحات بندورة بتنحط تحت المحاشي
الخطوات
بنحفر الخضرا كلها وبنجهز الحشوة بعد ما ينقع الرز نغسله وبنصفيه من المي وبنخلطه مع اللحمة المفرومة والبندورة المفرومة وممكن بقدونس مع الخلطة والملح والفلفل والبهارات حسب الرغبة وكمية الزيت
وبنحشي فيها الخضار تبعتنا وبنصفطها بالطنجرة بعد ما نحط شرحات البصل وقطع الدجاج وشرحات البندورة والثوم
وبنغمرها بالمي مش كتير وبنكه ميتها كمان وبنحطها عالغاز حتى تستوي ويتغير لونها
حتى مرقة المحاشي إذا زادت انا بعمل منها شوربة وبتطلع زاكية مطعم فيها الخضرا واللحمة والجاج بس بضيفلها شوية شعيرية وعصرة ليمون لما تستوي وبقدمها مع المحاشي
وصحة وهناااا
