طريقة البرياني
طريقة البرياني
المقادير
- دجاج
- أرز بسمتي
- للتتبيلة الدجاج :
- بصل
- ثوم
- خل
- كاتشب أو صلصة بندوره
- دبس رمان
- زيت زيتون
- 2 بندوره
- ملح
- فلفل أسود
- كاري
- بهارات دجاج
- بهارات مشكله
- للأرز :
- راس بصل مفروم
- ثوم مهروس أو مفروم ناعم
- فلفل حار أو حلو
- حبة بندوره مفرومه
- بكيت ماجي
- ملعقتين لبن
- وبهارات الارز :
- ملعقة صغيره ملح
- ملعقة صغيره فلفل
- ملعقة صغيره كاري
- ملعقة صغيره بهارات برياني
- ملعقة صغيره كركم
- للتزين :
- لوز مقلي
- الزبيب أختياري
الخطوات
يسعد أوقااتكم …اليوم حبيت اقدملكم طريقتي بعمل البرياني ..ان شاء الله تعجبكم
ويلااا مع الطريقه …..
& أول شي بنكون مجهزين الدجاج منظفينه ومتبلينه من قبل بوقت أفضل ..انا نقعته بالتتبيله من قبل بيوم
طريقة التتبيله هي نضع جميع مقاديرها بالخلاط الكهربائي وبخلطهم سوا وبضعهم عالدجاج وحطيته بالتلاجه لتاني يوم …
& ومن ثم وضعته بكيس الشوي مع تتبيلته من بعد ما رشيته طحين الكيس …ووضعت معه شرحات بصل وشوية مي وزيت ووضعته بالفرن عالحراره عاليه لحين ما صار يغلي وطيت تحته لاقل من الوسط وتركته يستوي عالراحته …واذا خلص استواءه وما اتحمر بحمره ..وهو المفروض يكون تحمر وهو بالكيس
& وهلا طريقة الارز …بنقلي راس بصل بزيت قلي ومن ثم الثوم المفروم او المهروس وبنقليهم سواا ..ومن ثم بضيفلهم البهارات وبقلبهم سوا ..ومن بعد هيك بضيف اللبن والبندوره المفرومه والفلفل الاخضر حار او حلو وبقليهم سوا ..وانا ضفت من تتبيلة الدجاج لانه زاد منها وطعمها روعه … ومن بعد ما تم تقلايتهم ..
بضيفلهم الارز البسمتي المنقوع من قبل بمي فاتره ورشة ملح ..بصفيه وبضيفه عالخلطه وبقلبه مزبوط وبضيفله المي لحتى ينغمر وبتركه عالنار عاليه لحين ما يغلي ..وبعد الغليان بوطي تحته للاخر ..وما بقلبه كتير عشان الارز ما يتكسر معي
& وحميت فحم عالغاز ..لما يستوي الارز عندي بضع قشرة بصله بنص الارز وبضيف الفحمه وبضيف عليها كم نقطة زيت لحتى اطفيها وتطلع نكهتها بالارز وبغطيها مزبوط عشان ياخذ الارز كل النكهه
& وأخر شي بقدم الارز وبضع عليه الدجاج ..وبزينه باللوز المقلي ..
والزبيب ..بس انا ما ضفته …
ويقدم مع الدقوس والسلطه واللبن ..ولا اشهى من هيك
وصحه وعاااافيه
