طريقة عمل تشيز كيك ملكة الحلويات الشعبية
تشيز كيك الفواكه_ ملكة الحلويات الشعبية
المقادير
- للطبقة الأولى:
- باكيتين بسكويت دايجستف مطحون
- 3 ملاعق كبيرة عصير فواكه(ممكن أناناس او برتقال او اي شي مناسب)
- 4 ملاعق زبدة مدوبة
- للخليط الكريمة:
- باكيتين كريما شانتيه مخفوقة
- 3 ملاعق كبيرة من نفس العصير المضاف للبسكويت
- نصف كوب جبن كريمي
- 4 ملاعق زبدة مدوبة بس باردة لحتى ماتنزع الكريما
- ربع كوب سكر بودرة
- نقسم الخليط لقسمين ونضيف لهم:
- 4 ملاعق جوز هند
- فواكه مقطعة
- التزيين حسب الرغبة
الخطوات
☆بسم الله الرحمن الرحيم☆
بالبداية منجهز طبقة البسكويت منحط الزبدة والعصير مع البسكوت ومنخلطهم منيح ليتجانسو
بالنسبة للكريمة منخفق كل المكونات مع بعض بعدين منقسمها لقسمين
بإمكاننا نستخدم الملونات أو بدون
لنصف الكريما الأول ضفت جوز الهند
ولنصف الكريمة التاني فواكه مقطعة وممكن معها حبوب ملونة وبالتقطيع رح تعطي شكل حلو كتير
انا بالقالب حاطة بس موز وبالكاسات حاطة فريز واناناس ومستخدمة عصير الاناناس
بدي اعتذر منكم انو مافي صورة نهائية للقالب لأنو عملتو لضيوف واجت معهم وحدة غريبة فاستحيت صورو.. مع اني صورتلكم كل الخطوات وكنت متمنية تشوفو الشكل النهائي مع التزيين كان رائع
خلص بلا ماكمل احسن ما ابكي ههههههه
وطبعاً منحطو بالبراد كم ساعا والافضل ليلة كاملة وصحة والف هنا حبيباتي♡
