طريقة عمل الكبة المقلية بدون ماكنه
طريقة عمل الكبة المقلية بدون ماكنه
ان شاء الله تنال اعجابكم
المقادير
- كاستين برغل ناعم
- كاستين طحين
- ماء ساخن جدا لنقع البرغل
- لحمه حمر مفرومه خشن نص كيلو او اكتر بشوي
- بصلتين كبار مفرومين فرم عادي
- كاسة زيت قلي
- لوز ارباع او صنوبر حسب الرغبه
- نعنع ناشف مطحون ناعم حسب الرغبه
- ملعقك كبيره كمون
- ملعقة فلفل اسود
- ملعقة ملح
- نص ليمونه
الخطوات
بسم الله نبدا
في البدايه طبعا بحضر كل المواد لسهولة العمل واول خطوه بحضر البرغل الناعم وبغمره بالماء الساخن جدابخلي المي مرتفعه شوي عن مستوى البرغل وبغطيه وبتركه نص ساعه وفي هذا الوقت بكون فرمت البصل وذبلته بالزيت وسبكت اللحمه معه بالملح والفلفل الاسود واذا بتحبي النعنع الناشف هذا اختياري وبتضيفي اللوز المفروم انااللوز ما حطيته اكتفيت باللحمه والبصل والبهاراتوبس تنشف المي بطفي الغاز طبعا اللو بتكوني محمصتيه قبل ما تضيفيه للحمه
هسا ببلش بالبرغل بشوفه اذا ناشف كتير بضيفه بوعاء عميق ووسيع برشله شوية مي فاتره وبحضر الطحين بخلطهم كويس مع بعض بضيف الكمون والملح والفلفل الاسودوكاسة الزيت وبخلطهم ببعض كويش ليش الزيت لاني ما حطيت بالعجينه لحمه بعطي البرغل نكهه وبمنع ظهور طعم الطحين بالكبه وببلش عجن بضف مي شوي شوي وبعجن مزبوط حتى تنهرس حبات البرغل واحصل على عجينه متماسكه الي اقدر احشيها واذا شفتي العجينه ظلت يابسه ضيفي كمان شوية زيت وعجنيها كويس اهم شي العجينه ماتكون رخوه ولا يابسه اذا كانت رخوه ما رح تعرفي تشكليها واذا يابسه رح تتشقق …ديري بالك وشكليه بطريقتك الخاصه
ام القلي الزيت لازم يكون حار وغزير والا تفرط منك اول شي بتعلى عليه الغاز لما تمسك بعضها وطيه شوي حتى تنضج مزبوط وبعدين علي الغاز كتى تتحمر وبطلعيها على ورق النشاف واف ناس بقلوها على دورين يعني نص قلي وبطلعوها وبعدين بقلوها مره تانيه انا قليتها مره وحده وكانت طيله
ملاحظه بالنسبه لنص الليمونه الموجوده بالمقادير عصرتها على اللحمه حتى تعطيها حموضه وهذه اختياري
اسف اني اطلت عليكم الشرح الهدف انو اعطيكم كلشي بالتفصيل يا احلى وردات ربنا يحفظكم وينولكم مرادكم ويعينكم على الحياه
استودعتكم لله الذي لا تضيع ودائعه
