طريقة عمل الكيك العادي بحليب جوز الهند ملكة الحلويات الشعبية
طريقة عمل الكيك العادي بحليب جوز الهند ملكة الحلويات الشعبية
طريقة عمل الكيك العادي بحليب جوز الهند ملكة الحلويات الشعبية
المقادير
- 3 كاسات طحين ابيض
- 3 بيضات بحرارة الغرفة
- كاسة حليب جوز الهند
- كاسة ونص سكر
- كاسة جوز الهند مبشور
- 3 ملاعق حليب بودرة
- 3 ملاعق بيكنج باودر
- 3 ملاعق ڤانيلا باودر
- عصرة ليمون
- نص كاسة زيت ذرة
- ملعقتين لبن رايب مخلوطات بملعقة خل وربع ملعقة صغيرة كربونه (اختياري)
- نتفة ملح
الخطوات
بسم الله نبدأ……
اول شي بنخلط الطحين والبكنج باودر والحليب الناشف وننخلهن
بوعاء واسع بنخفق البيض مع نتفة ملح منيح لحتى يتغير لونه للأصفر الفاتح بعدها بنضيف عصرة ليمون السكر بالتدريج ونخفق لحتى يذوب السكر
بنضيف الزيت واحنا بنخفق حتى يمتزج الخليط ، وبنضيف نص كاسة حليب جوز الهند
بنضيف الطحين بالتدريج وبنخلط واذا احتجنا من حليب جوز الهند بنضيف واحنا بنخلط (انا مااحتاج معي الخليط الا نص كاسة من حليب جوز الهند)
واخيراً بنضيف كاسة جوز الهند المبشور وخليط اللبن الرايب والخل والكربونه ونخفق وبس يمتزج الخليط بكون مجهزة قالب او صينية مناسبة و مدهونه بسمنة ورشة طحين او زيت ورشة طحين وبحط فيها خليط الكيك وبرش وجه الكيك بجوز الهند كمية وافرة
ومباشرة على فرن محمى درجة 180 عالرف الوسط بتاخذ ساعة الا ربع وطبعاً بتختبري استوائها بسكينة فواكه او عود شواء وبس يستوي بتحمريها وبس تبرد تماماً بتقطعيها
وألف صحة وعافية ع قلوبكم
ملاحظة : حليب جوز الهند يمكن تحضيره بالبيت بطريقة سهلة جداً
