اصنعي شوكولاته شيبس في منزلك بأقل التكاليف

المقادير

• شوكولا سادة اي نوع بتحبيه
• ورق زبدة

الخطوات

السلام عليكم ورحمة الله وبركاته

الشوكليت شيبس معروف باستخدامه بالكوكيز او المافن كيك وسعره بالنسبة للشوكولا القوالب مرتفع شوي فحبيت اعمله بالبيت ، ليش لأ ، وطلع زي الجاهز بالضبط.

الطريقة باختصار مابدها خطوات ، بتجيبي شوكولا عاديه زي جالكسي مثلا بس تكون سادة واذا غامقه احسن واحسن وبتقطعيها وبتحطيها بصحن وبتذوبيها اما بالميكرويف او على حمام مائي بس انتبهي لا ينزل فيها نقطة مي بتخرب كلها .

بعد التذويب بتتركيها شوي تبرد بس تضل سائلة لانه اذا كانت سخنة وعصرتيها بتفرش وما بتاخد شكل المسمار وبتحطيها بكيس نايلون او كيس الحلواني وبتفتحي فتحة صغيرة وبتعصريها على ورق زبدة نقاط صغيرة وبتتركيها بالثلاجة تبرد وتجمد مابتاخد خمس دقائق لتجمد وبتنزليها بمنتهى السهولة عن الورق على مرتبان لحين الاستخدام.

ملاحظة/

هاي الوصفة تمهيد للوصفة القادمة لانها بحاجة تشوكلت شيبس.