طريقة الكوكيز خطيييرة ملكة الحلويات الشعبية
طريقة الكوكيز خطيييرة ملكة الحلويات الشعبية
المقادير
- بيضة
- كاسة سكر بني وممكن استبداله بالسكر العادي
- كاسة بسكويت دايجستيف مطحون
- كاسة طحين
- نصف كاسة زبدة مذابة
- م.ص بيكينج باودر
- م.ص فانيلا
- نصف م.ص كربونه
- نصف كوب شوكليت شيبس وسبق ونزلت وصفته عشان يكون متوفر معك بسهولة.
الخطوات
كوكيز خطيييرة ملكة الحلويات الشعبية
السلام عليكم ورحمة الله وبركاته
مين مابحب الكوكيز هالبسكويته الطرية من جوا ومقرمشة من برا اروع من الروعة وبمكونات بسيطة ومتوفرة.
أولاً/ خليط الكوكيز
بنخلط البيضة مع السكر البني وملعقة الفانيلا وبنخلط لحتى يذوب السكر ويختفي تماما بنضيف الزبدة المذابة وبنتابع الخلط وبعدها ملعقة البيكينج ونصف ملعقة الكربونة وبنتابع الخلط ، وبعدين البسكويت المطحون وبعده الشوكليت شيبس .
الان الطحين بنضيفه بالتدريج وبنخلط باليد لحتى تقثل العجينة ، بنغطيها وبنحطها بالثلاجة نص ساعة.
ثانياً/ التشكيل
بنطلع الخليط من الثلاجة وبنعمل كرات متساوية بحجم اكبر من حبة الجوز بشوي وبنرجع بنرص شوية من الشوكليت شيبس على وجههم عشان يبينوا وبنرتبهم على صينية فيها ورق زبدة او مدهونة عالخفيف بزيت وبنراعي يكونوا متباعدات عن بعض لانهم بيفرشوا بالفرن.
ثالثاً/ الخبز
بتدخليهم على فرن محمي على درجة 200 فوق وتحت سوا وبتحطيهم ثلث ساعة ولما تطلعيهم لا تلمسيهم بكونوا طرايا اتركيهم شوي يهدوا وشيليهم.
رابعاً/التقديم
قدمي الكوكيز بأي شكل وبأي طريقة ومع اي شي كلشي ماشي ، مع عصير ماشي، مع شاي ماشي، مع قهوة احلى واحلى ، وصحة وهنا.
