طريقة تحضير حليب جوز الهند البيتي
طريقة تحضير حليب جوز الهند البيتي
المقادير
- كوب جوز الهند
- كوبين او 3 ماء
الخطوات
طريقة بسيطة أخذتها من زاكي ومابتوخذ منك اي جهد
بسم الله نبدأ…
اولاً بنضع الماء عالنار لحتى تغلي ،
بنضيف جوز الهند وبنتركو يغلي مدة خمس دقايق
بعدها بطفي النار وبتركو ع جنب وبس يبرد بدخله الثلاجة
ثاني يوم بطلعو وبلاقي طبقة بيضا عالوجه هاي الطبقة هي زيت جوز الهند
بشيلها بملعقة وبحطها بوعاء عنار هادية حتى تتبخر السوائل وبطفي تحتو وبحفظو بمرطبان صغير،،،، زيت جوز الهند غني عن التعريف بالنسبة لفوائده للشعر والبشرة
بنيجي لمنقوع جوز الهند ،، بحطو بخلاط العصير وبخلطو مزبوط وبعدها بصفيه بوعاء مناسب وبحتفظ فيه بالثلاجة للإستعمال بالحلويات او اي وصفة بتحتاج حليب جوز الهند ،، وممكن تعملي منه سحلب او مهلبية وممكن ينشرب مثل ماهو وطبعاً هو غني بالڤيتامينات وبساعد عالحرق للناس اللي بعملو ريجيم وبعطي احساس بالشبع
بالنسبة لجوز الهند اللي صفينا منه الحليب إما بتستخدميه مباشرة أو بتحتفظي فيه بكيس نايلون بالفريزر لوقت الاستعمال
