قرع عسلي بصوص الطحينه

المقادير

• كميه من القرع مبروشة
• معلقتين زيت نباتي
• ملح حسب الرغبه
• صوص الطحينه:
• معلقتين طحينه
• نصف ليمونه
• رشه ملح
• ماء
• فلفل أخضر

الخطوات

القصه وما فيها كان عندي قرع وإجت ببالي فكره ونفذتها والحمد لله طلع تخطيطي طيب..

حطيت معلقتين الزيت ع الغاز ف مقلايه وبعدها ضفت القرع وقلبته ورشيت عليه الملح وسبته ليدبل إشوى بعدها حضرت صوص الطحينه حركت الطحينه مع الليمون لجمد وبعدها حطيت ميه لصار الصوص ممتزج وضفت عليه الفلفل وحركته القرع ما بيأخد وقت لأنه مبروش حطيته بالصحن وضفت عليه الصوص من فوق ورشت زيت زيتون بنقدمه بجانب الخبز

وصحه وعافيه بحبكم أنا