طريقة فتة الحمص بتشهي
طريقة فتة الحمص بتشهي
المقادير
- المقادير حسب كمية الفته :
- حمص حب مسلوق
- 4 رغيف خبز مقطع
- كاسة مي طحينيه تقريبا
- 4 حبات عصير ليمون
- للتزين :
- لوز مقلي بزيت الزيتون
- رشة بقدونس مفروم
- وتتبيلة الفته وهي :
- فلفل حار
- عصير ليمون
- بقدونس مفروم
الخطوات
يسعد أوقاتكم ..اليوم راح اقدملكم طريقة فتة الحمص من تحت ديات أمي الله يعطيها الصحه والعافيه ..وحبيت اشاركم بالطريقه لانها لذيذه جداااا …
بتمنى تعجبكم …
ويلااا مع شرح الطريقه ….
& أول خطوه بننقع الحمص من قبل بيوم عشان يستوي
تاني يوم بنضعه عالغاز وبنتركه لحتى يستوي مزبوط
& بنبلش بتقطيع الخبز وبنضع عليه شوية زيت زيتون وبنفركهم سواا ..وبنحمرهم بالفرن …
& لما يكون عندي الحمص قرب يستوي باخذ من ميته وبضعها عالخبز مو كتير المي يعني لحتى يتبلبل وبغطيه وبترك الخبز يشرب المي …وخلال هالفتره وهو الخبز منقوع والحمص عالغاز ،،،ببلش اعمل الطحينيه راح نحتاج كميه من الطحينيه …حسب كمية الفته ..استخدمنا بعمل الفته نص علبة كبيره …وضفنالها عصير الليمون ..حسب الرغبه ..استخدمنا تلات لاربع حبات عصير
وضفنا شوية مي ..وخلطناهم كويس …
& ومن بعد هيك ..باخذ من الحمص كمية وبطحنهم وبضيفهم عالخليط الطحينيه وبحركهم ..ومن ثم بضيف حمص حب من غير ما اطحنه عالخبز وبحركهم سوا
وبضيف الطحينيه والحمص المطحون عليه وبحركهم مزبوط وبفردهم بالصينيه يلي راح اقدم فيها …
& وهلا بنعمل طشة زيت الزيتون مع اللوز ..
بنضعهم عالفتة وهو ساخن ..وبنزينه بالبقدونس المفروم
& تتبيلة الفته ..وهي فليفله حاره مهروسه مع عصير ليمون وبقدونس مفروم بنخلطهم سواا وبنقدمها مع الفته او بنضعها عالوجه الفته …
وصحه وعااافيه
