طريقة البيتي فور معشوق الكل ملكة الحلويات الشعبية

المقادير

• كيلو طحين
• نص كيلو زبده
• كوبان سكر ناعم بودره
• فانيليا
• بيضه
• نصف كوب نشاء
• نكهه مثل البندق او الليمون او بدون حسب الرغبه
• نصف كوب كاكاو

الخطوات

السلام عليكم صبايا زاكي اليوم راح نعمل سوا البيتفور مين مابحب البيتفور مع فنجان القهوه ولمه الحبايب

اول شي منبدا لازم نطالع الزبده قبل بساعتين من البراد وتاخد حراره المطبخ

منخفق الزبده مع السكر الناعم لتصير متل الكريما وبعدين منضيف الفانيليا والمنكهات لو حبيتو

ومننخل كوب النشا ومنضيفوا للخليط ومنحرك وبعدين البيضه ومنحرك

بهي المرحله بحب استعمل ايدي بقسم كميه الخليط لنصفين اذا حابين ضيفوا كاكاو واذا موحابين منكمل عادي ومنضيف الطحين تدريجيا لحتى تتشكل عنا عجينه ملساء طريه ممكن ياخد كيلو طحين وممكن انقص شوي حسب الطحين

في حال حبيتو ضيفوا كاكاو نقصو من كميه الطحين نص كاسه ومنحط بدالا الكاكاو وفي حال لقينا عجينه الكاكاو لسا بحاجه لون اغمق ضيفوا حسب الرغبه

منخلي بالبراد نص ساعه بالشتا وبالصيف لازم ساعه

منطالعوا منجهز ورق الخبز ومنحمي الفرن على ١٥٠ ومنفرد العجين بين ورق الخبز ومنقطع بالاشكال يلي منفضلا

التزيين حسب الرغبه

ممكن ساده وممكن حسب ذوقكن الشخصي

انا مابضيف ابدا بكمبودر للبتفورات بكل اشكالا

بتمنى تعجبكن وصحه وهنا للجميع