طريقه عمل الغريبه السوريه ملكة الحلويات الشعبية

المقادير

• نصف كيلو سمنه او ٥٠٠غ
• ربع كيلو سكر او ٢٥٠
• كيلو طحين
• فانيليا
• رشه ملح

الخطوات

السلام عليكم صبايا زاكي

الغريبه او الحلويات بشكل خاص بحسا مالها بلد او موطن الكل فيه يعملا ويبدع فيا

بسم الله نبدأ

السمنه لازم تكون بحراره المطبخ

انا استعملت سمنه الغزال ونقصت معلقتين من كميه السمنه النباتيه وضفت معلقه سمنه حيوانيه

السكر انا مابستعمل ربع كيلو للامانه بس المقدار ربع

انا بستعمل كوبين الا ربع وهاد بيرجع اذا بتحبوا الغريبه حلوه او لاء

مننخل السكر ومنضيف عليه السمنه ياريت يكون فيه عيارات دقيقه لان الغريبه شوي حساسه

منخفق السمنه والسكر والفانيليا ورشه الملح

بس يذوب السكر

منبلش نضيف الطحين بالتدريج لتتشكل عجينه طريه بريحا بالبراد شوي تقريبا ربع ساعه

وبلش شكلا ومنحط فستق حلبي على كل قطعه

وبس خلص بحط الصواني بالبراد نصف ساعه

وبعدا بحمي الفرن على حراره ١٨٠ من تحت

ولازم تكون الصينيه بالرف الاوسط

بس يادوب تاخد من السفل لون منطالعا من الفرن

ومنتركا لتبرد على الاخر

ومنحتفظ فيا بعلبه محكمه الاغلاق لان الغريبه بتاخد رطوبه