طريقة عمل الكيك بالكاكاو
طريقة عمل الكيك بالكاكاو
المقادير
- ٤ بيضات بدرجة حرارة الغرفة
- كاسة ونصف سكر
- كاسة الا ربع زيت قلي
- كاسة حليب
- نصف كاسة كاكاو
- ٣ فانيلا
- ٣ بيكمبودر
- ربع معلقه صغيرة كربونات
- ذرة خل بتحط مع البيض والفانيلا عند الخفق
- كاستين طحين
الخطوات
بسم الله الرحمن الرحيم
حبيت اقدملكم مجموعه من الكيكات الي انا عملتها شي كيك سادة وشي كيك محشي ومزين بالكريمه والفواكه والفورمسي الملون او السادة ويلا الا الطريقه ✍
اول شي بخفق البيض مع الخل والفانيلا لمدة ١٠ دقائق وبعدين بضيف عليه السكر بخفق شوي بعدين بضيف الزيت وبخفق وبعدين بضيف الحليب والكاكاو
بنخل الطحين ٣ مرات وبضيف عليهم البيكمبودر والكربونات وبضيف خليط الكيك وبخفق لمدة ٥ دقائق بكون مجهزة القالب او الطنجرة بزيت وطحين وبضيف الخليط وبخبز بالفرن ع درجه ١٨٠ درجه مئويه ما بفتح الفرن اول نصف ساعه بعدين بختبرها بعود اسنان لحد الاستواء وبحمر الوجه
ملاحظه بحمي الفرن قبل بدء عمل الكيك
بخليه يبرد شوي الكيك بشيلو من القالب او الطنجرة
بعمل نصف كاسة شاي مي مع سكر وعصرة ليمون والغاز بعمل قطر يكون بارد بعمله اول شي لاني بدي اياه بارد القطر
بقسم الكيك لقسمين او اكتر حسب رغبتكم بسقي الطبقه الاولى قطر خفيف بالفرشاي
بكون انا خافقه كريمه دريم ويب حسب تعليمات الي مكتوبة عالبكيت وبكون حاطاها بالفريزر ليجمد
بدهن عالكيك من الكريمه وبحشيها اناناس او سادة بس كريمه حسب رغبتكم وبضيف الطبقه التانيه من الكيك وبسقيها قطر كمان وبدهن الكريمه على الكيك كله وعالجوانب وبزين حسب الرغبة
انا راح افرجيكم اكتر من كيكه انا عملتها محشيه بكريمه وكيك سادة
ان شاء الله تعجبكم
