كنافه محشيه ملكة الحلويات الشعبيه

المقادير

• نصف كيلو كنافه
• نصف كوب زبده او سمنه او خليط
• كوب قطر
• مكسرات فستق حلبي او جوز
• قشطه بيتيه
• قوالب سيلكون

الخطوات

السلام عليكم صبايا زاكي

اليوم وصفتنا الكنافه السريعه المحشيه

بسم الله نبدأ منحط السمنه او الزبده على النار بوعاء مايكون بيلزق

بالمقص منقسم شعر الكنافه قطع صغيره وبعدين منحمصا على النار لتاخد لون ذهبي اشقر حلو

منتركا لتبرد

ومنبلش نجهز الحشوه

المكسرات لازم تنعجن بقطر وشويه ماء زهر

او القشطه

ومنتركن عجنب

منرجع للكنافه بتكون بردت منبلش نضيف قطر ونعجن لتتشكل معنا الكنافه وتمسك ببعضا

منرصا ممكن بقالب كبير

او قوالب فرديه منرص طبقه ومنحاول نعمل اطراف على جانب القالب

ومنحشيا اما مكسرات او قشطه

ومنرجع نسكر عليها بطبقه تانيه من الكنافه ومنضغط لتاخد شكل وماتفرط معنا

منحطا بالبراد من نصف

ساعه لساعه

وممكن تعمليا وتحتفظي فيا بالفريزر مده شهرين بحافظه

اذا اجوكي ضيوف فجاه بس دقيقتين بالمكرويف بتكون جاهزه للتقديم

بتمنى تعجبكن

وصحه وهنا للجميع