طريقه عمل الجاتو الخمس دقايق ولا أحلى ولا أشيك في المناسبات
جاتو الخمس دقايق ولا أحلى ولا أشيك في المناسبات
جاتو الخمس دقايق ولا أحلى ولا أشيك في المناسبات
المقادير
- باكو بسكوت كبير
- كيسين كريم شانتيه
- ٤ جبنه مربعات او مثلثات
- كوباية لبن او لبن على كريمه
- ٢ باكو سويسرول جاهز
الخطوات
عندك مناسبه او عيد ميلاد او حتى معندكيش والعيال نفسهم فى حاجه حلوة عليها القيمه تعالى معايا على المطبخ وطلعى من دولاب المطبخ اه طلعى عارفه أنك مخزنه باكو بسكوت كبير كيسين كريم شانتيه و٤ جبنه مربعات او مثلثات وهاتلينا من التلاجه كوباية لبن او لبن على كريمه و٢ باكو سويسرول جاهز بس شفتى أسهل من كده سامعاكى بتقولى لا ندخل بقى على الطريقه هنفرد على الرخامه كلينج فيلم وبالمضرب الكهربائي هضرب الكريم شانتيه والجبنه واللبن وتكون الكريمه جهزت نرص بقى البسكوت على الكلينج فيلم فاكراه ولارمتيه المهم رصى البسكوت وفوقه حطى طبقة كريمه وباعدين بسكوت وباعدين كريمه وباعدين بسكوت من الطرفين وتحطى فى النص السويسرول بعد ماتقسميه نصين بالطول وبعدين ضمى الطرفين على السويسرول هيديكى شكل مثلث غطيه كويس بالكلينج فيلم ودخليه التلاجه لحد مايمسك وطلعيه شيلى البلاستيك وغطيه بالكريمه والزينه زى ماتحبى حاجه كده وهم وشكلها تحفه رايحه فين والله أيدى وجعتنى مفيش تسلم ايدك
صفحتى The Best taste with Sara Ateia المذاق الأفضل مع ساره عطيه
