طريقة الهريسة ملكة الحلويات الشعبية
طريقة الهريسة ملكة الحلويات الشعبية
المقادير
- 4 كاسات سميد خشن
- كاستين سكر
- كاستين حليب
- نص كاسة سمنة
- رشة ملح
- نص ملعقة بيكنج باودر
- نص ملعقة كربونه
- للقطر:
- كاستين ونص سكر
- كاستين مي
- عصرة ليمونة
الخطوات
السلام عليكم ،،،، حلويات الهريسة من اكثر الحلويات الشعبية المعروفة من زمان وهاي الوصفة اخذتها من صديقتي العزيزة الشيف المبدعة “ام شام”
بسم الله نبدأ،،،،،،
بنخلط المكونات بدون مبالغة بالعجن وبندهن صينية مناسبة بطحينية ونحط الخليط ونغطيه،، اقل شي نتركو 4 ساعات،، بنحمي الفرن 180 وبنحط الهريسة وبس تستوي بنقطعها قبل التحمير ونحز الحواف وبندهن ملعقة سمنة مخلوطة بقطر عالوجه وبنحمرها
بس تتحمر بنجيب كمية القطر ولازم يكون القطر حامي كثير ونشرب الهريسة وهي حامية كمان وبنرجعها على حرارة الفرن وهو طافي لمدة 5 دقايق بعدها بنطلعها وبنتركها تبرد تماماً قبل مانقدمها.
بالنسبة للمكسرات ع وجه الهريسة اي شي متوفر عندك حطيه قبل ماتحطيها بالفرن وممكن تنكهيها بقرفة حسب ذوقك وصحتين وعافية
