وصفة كبسة دجاج سريعه
وصفة كبسة دجاج سريعه
المقادير
- نص كيلو أرز بسمتي
- دجاج
- راس بصل مفروم
- ثوم مهروس الكميه حسب الرغبه
- حبة بندوره او أثنين مفرومين
- 2 فلفل حار
- زيت ذره
- بكيت ماجي
- معلقتين صلصة بندوره
- معلقتين لبن
- ملح
- فلفل اسود
- كركم
- كاري
- بهارات دجاج
- بهارات كبسه
- هيل مطحون
الخطوات
يسعد أوقاتكم بكل خير …اليوم حبيت اقدملكم طريقة الكبسه السريعه ..لما نكون مستعجلين وما بنكون ناقعين الدجاج قبل بساعات ولا بلشة الفرن ..فهاي الكبسه سريعه لانها مع دجاجها عالغاز ..وبنطبق نفس الطريقه عالاوزي أو البخاري …بتمنى تعجبكم
ويلاااا مع الطريقه ……
& أول شي بنقلي البصل بزيت ذره بزود الزيت شوي عشان الارز وثم بضع الثوم المفروم او المهروس ..وبضيف البهارات جميعها لحتى تتقلى بالزيت ..وبضيف بعد هيك الفلفل الحار وبقليهم سواا
& وبعد هيك بضيف الدجاج وبقليه مع الخضار والبهارات عالنار عاليه ..وبضيف بندوره مفرومه بكيت ماجي ومعلقتين صلصة بندوره ومعلقتين لبن وبحركهم سوا ولما يخلصو تقلايه بغمر الدجاج بالمي يعني مو كتير وبخليهم يغلو عالنار وسط…
& ومن بعد ما يستوي الدجاج …بكون ناقعه أرز بسمتي بغسله وبصفيه وبضيفه فوق الدجاج بدون تحريك وبشوف المي يلي عالدجاج اذا ما غمرت الارز بزيده مي لحتى ينغمر ..وبخليه لحتى يغلي بوطي النار تحته للأخر وبتركه يستوي عالراحته …وبحاول انه ما احرك الارز كتير من بعد ما تتنشف ميته لانه بتكسر
& وأخر شي بقلبه مثل المقلوبه عشان كل الخلطه تنزل يلي ضلت مع الدجاج ..والصراحه ولا أشهى من هيك طعم
وبقدمه مع الدقوس والسلطه واللبن …
وصحه وعاااافيه …
