طريقة المقلوبة بالدجاج على طريقة أم محمد

المقادير

• دجاجه كامله
• راس بصله كبير
• راس توم
• حبتين جزر
• ثلاث حبات بطاطا
• حبت باذنجان كبيره
• راس زهره
• الرز حسب عدد الأشخاص
• كيس شعيريه
• البهارات:
• بهارات مقلوبه
• بهارات دجاج
• قرفه عيدان
• كركم
• هيل مطحون
• ملح
• او ماجي

الخطوات

المقلوبة على طريقتي،

اول حاجه بنقوم فيها بنفرم راس بصله كبير تفريم جوانح وبنجيب راس ثوم وبناخذ فص الثوم واحد واحد بنقشرو ونقسمو من النص وعلى هاي الطريقه لما بيخلص راس الثوم كامل ،وننتقل للمرحله الثانيه نقلي المقالي •*زهره بيذنجان بطاطه وفلفل حلو حسب الرغبه*•نقلي الشعريه وبنحطها على جنب وبتفرمي حبتين جزره دوائر ،بعد ما بتحضري كل هالمكونات بتروحي بتحطي الطنجره على الغاز وبتحطي زيت قلي او زيت زيتون، وبتقومي بتحريكهم حتا يقلب لونهم اشقر بعد هيك بتغسلي الدجاج بعد تنضيفو( باليمون والخل والثوم والزيت الزيتون والبندوره)وبتحطي الدجاج وبتحركيهم وبتحطي البهارات(بهارات المقلوبة ملعقه كبيره، وبهارات الداجاج ملعقه صغيره ، وهيل مطحون، وكركم ،وقرفه عيدان ، وذا انتي حابه تحطي بهارات خشنه) ..«وبتحطي ماجي او ملح »وبتضيفيهم وبتحركيهم منيح وبعدين تضيفي الجزر وتحركيهم وبتضيفي بعد هيك كوب ماء وبتتركيهم 3دقائق وبعدين بتضيفي الماء حسب مقدار الرز …وبتغطي عليهم حتا يستووا لما تجي تنقعي الرز حطي شويت هيل مطحون وخلطيه مع الرز ، وبعد هيك لما يستوي الحم بتطلعيه وبتضيفي الشعيره ع الرز والمقالي كلهم على الرز وبتخلطيهم مع بعض وبتضيفيهم على الطبخه وبتوطي الغاز وبتحطي كيس على كفارت الطنجره وبتحطيه على الطنجره ..الدجاج بتشغلي الشوايه وبتحطي على الدجاج عصرت ليمونه هيك من فوق ودخليه الشوايه بس يتغير لونه اطلعيه وحطيه على الطنجره وارجعي سكريها وبس تستوي طفي عليها ..لتزين الطبخه((بقدونس، فسدق ، ليمون دوائر، وخيار تفريم دائري او بتسوي حركه حلوه وفلفل حار تشويه ع الفرن))

وصحتين وعافيه