معمول السميد و الطحين ازكى معمول رح تدوقيه لو اتبعتي خطواتي

المقادير

• اتنين كيلو سميد وسط
• كيلو ونص سمنة او بدل النص سمنة ضيفي قالب زبدة مع كاسة زيت
• كيلو طحين
• مستكة
• محلب
• هيل مطحون
• شومر
• فانيلا سائلة
• علبة قشطة
• يانسون بودرة
• سكر بودرة كاسة
• كاسة حليب باودر
• تمر معجون بقرفة وهيل
• كاس قطر وكاس حليب سائل

الخطوات

ابس السميد مع الطحين وبضيفلو جميع كمية السائل بس بخلي مقدار كاسة سائل لليوم التاني .المهم ببسو وبغطيه لتاني يوم ويا ريت لو تحطيه بالتلاجه

تاني يوم بجهز الحشوة .والكاسة الي خليتها من السائل وكاسة حليب سائل وكاسة قطر وبضيف سكر ازا بتحبو حلو اكتر من هيك بعجنو بالسوائل والقشطة.وبريحو ساعة ازا شفتو ما بيلم معي بضيف شوي حليب سائل

ب

المهم بحضر قوالبي ومنقاشي وبحشي ومباشرة ع فرن حامي كتير وصحتين

ملاحظة انا مشتركة جديدة هون صرلي ٢ سنوات متابعتكن وما حصلي فرصة اشارك هالوصفة هي ناتج تجارب كتيرة بس والله هي الطريقة خرافية يا ريت تجربوها .