سينامون رولز اللوتس فكرتي و ابتكاري سلسلة وصفات الحلويات فرح 2

المقادير

• أربع كاسات طحين منخل ممكن تحتاجي اكتر بشوية حسب النوعية
• أربع ملاعق كبيرة غير ممتلئة كريمة باودر
• ربع ملعقة صغيرة ملح
• رشة كربونات الصودا
• نص ملعقة صغيرة بيكنغ باودر
• ملعقتين ونص صغار خميرة فورية
• كاسة ماء فاتر
• نص كاسة حليب باودر
• ربع كاسة سكر (بتشيلي منه ملعقة صغيرة للخميرة)
• ربع كاسة زبدة مذوبة لدهن الوجه قبل الخبز
• ربع كاسة زبدة طرية للعجينة (لازم تكون نوعية منيحة)
• بيضة بحرارة الغرفة
• نص ملعقة صغيرة فانيلا سائلة
• طحين لرش الطاولة
• للحشوة علبة ٤٠٠غم كريمة اللوتس الكرنشي
• للتزين بسكوت لوتس مكسر كريمة اللوتس (الحمرا) مذوبة بحمام مائي

الخطوات

تخلط جميع النواشف مع الزبدة و السكر

يحرك البيض مع الفانيلا ويضاف على النواشف

تذوب الخميرة والسكر بالماء وتترك لخمس دقائق ثم تضاف

تعجن لمدة ١٠ دقائق وتوضع بصحن مدهون بزيت ذرة ومغطى بالنايلون وبتتركيها بمكان دافي لتتخمر و تتضاعف كميتها

بطاولة مرشوشة بالطحين بتفرديها و بتحشيها و بتلفيها لرول و بتقطعيها

بتحطيها بصنية مدهونة بزيت ذرة وبتتركيها لترتاح و يضاعف حجمها

بتدخليها على فرن حامي من قبل ربع ساعة درجة 180 بدها ١٠ دقائق لربع ساعة تقريباً حسب حرارة فرنك بس تطالعيها وتبرد بتزينها

بالهنا والشفا يارب