طريقة عمل المندي بالفرن
اليوم جبتلكم وصفة المندي طعم خيال وجدااا سهلة ومطبوخه بالفرن. تعالو نترك صاحبه الوصفه مبدعتنا
Buthayna Ghanem لتعملنا طريقتها الشهيه
المقادير مع الطريقه:
– اولا الجاج بنغسلو بالطريقة المعتادة بعدين بخزقو بالسكينة وبعملو خلطة عبارة عن …لبن زبادي وزيت زيتون وتوم مبروش وبابريكا وبودرة زعفران ومعلقتين صلصة بندورة وزنجبيل مبروش او بودرة وهيل مطحون ورشة قرفة وانا حطيت بهار سازون جويا وممكن بدالو بهار مشكل او بهار جاج وعصير ليمون وملح ..بنقع الجاج بالخلطة ليلة كاملة او اربع ساعات عالاقل.
– بننقع رز حبة طويلة ربع ساعة وبنحطو بجاط فرن او بايريكس او طنجرة اي شي بيدخل الفرن وبنحط عليه بصل قطع كبيرة وفلفل حار او حلو حسب الرغبة وورق غار وحب هيل وعيدان قرنفل وعيدان قرفة ولومي وفلفل اسود حب وزيت ذرة وبنخلطهم مع الرز وبنضيف مية مغلية مع مكعبين ماجي تكون غمرة الرز.
– وبنحط فوق الرز شبك وعليه الجاج واذا ما في شبك بنحط طبقتين قصدير بنخزقهم وبنحط عليهم الجاج وبنلف قصدير حوالين الجاج والصينية وبندخلها فرن محمينو قبل بوقت وبندخل الرز والجاج تقريبا ساعة ونص.
– وبس يستوي الرز والجاج بنكشف القصدير وبنحمر الجاج وبنحط زعفران مع شوية مية او بودرة زعفران او حتى كركم او ملون طعام بنعمل خطوط عالرز بدون ما نحركو.
– اخر خطوة بنولع فحمة وبنحطها بورقة قصدير بين الرز والجاج وبنضيف نقط زيت عليها ليطلع الدخان وبنغطي فورا الرز عشان ياخد النكهة وبنتركها ربع ساعة وبنقدمها
اشترك في قناة زاكي على اليوتيوب لتصلكم جديد وصفاتنا, بالضغط هنا:
https://www.youtube.com/channel/UCmLqs6sqDBxNIUgKns-5VyQ
نسعد بانضمامك لجروب “زاكي” على الفيس بوك:
https://www.facebook.com/groups/zakibook/?fref=ts
اعمل لايك بصفحة زاكي على الفيس بوك لتصلك جديد وصفاتنا:
https://www.facebook.com/groups/zakibook/?fref=ts
حمل تطبيق زاكي للاجهزة الذكية أقوى مرجع عربي لفن الطهي:
https://goo.gl/ze0y3j
موقع زاكي المميز:
www.zakibook.com
