ورق عنب و سمبوسك ابداعات ام نضال
ابداعات ام نضال
المقادير
- لورق العنب:
- نص كيلو ورق عنب
- كاسة ونص رز صنوايت
- راس بصل مفروم
- حبتين بندورة مفرومين
- رشة ملح
- فلفل اسود
- بهارات مشكلة
- فنجان زيت زيتون
- معلقتين دبس رمان
- معلقتين نعنع ناشف
- شرايح بندورة
- السمبوسك:
- عجينة السمبوسك:
- كاستين طحين
- فنجان صغير زيت ذرة
- معلقة كبيرة حليب بودرة
- رشة ملح
- للعجين:
- ماء دافي
- حشوة السمبوسك:
- لحمة مفرومة
- البصل
- الملح
- البهارات
- جبنة
- للقلي:
- زيت
الخطوات
بالنسبة لورق العنب هاد الورق مفرز لانه ما في هلا ورق عنب بالسوق .
بنسخ مي تسخين وبنسقط ورق العنب لحتى يفك من التفريز وبنشيله وبنحطه بمصفى ،
حشوة ورق العنب لنص كيلو ورق عنب بننقع كاسة ونص رز صنوايت وبس ينقع بنغسل الارز وبنصفيه وبنضيفله راس بصل مفروم وحبتين بندورة مفرومين ورشة ملح وفلفل اسود وبهارات مشكلة وفنجان زيت زيتون ومعلقتين دبس رمان ومعلقتين نعنع ناشف ،وبنلفهم وبنصفهم بطنجرة وبكون حاطين بقاع الطنجرة شرايح بندورة وبس ننتهي من اللف بنحط كمان فوقهم شرايح بندورة وبنطبخهم على نار هادية لمدة ساعتين ..
بالنسبة للسمبوسك
عجينة السمبوسك
كاستين طحين
فنجان صغير زيت ذرة
معلقة كبيرة حليب بودرة
رشة ملح
وماء دافي للعجين
بنعجنهم وبنغطيهم وبنتركهم يرتاحو
حشوة السمبوسك عبارة عن لحمة مفرومة مقلبة مع البصل والملح والبهارات .
وقسم حشيته جبنة
واظن واضح بالصور الجبنة عملتها بقالب السمبوسك واللحمة عملتها على شكل مربعات .
والقلي بزيت غزير وعلى نار وسط ..
التبولة
بقدونس مفروم وكم حبة بندورة وكم ورقة نعنع وخيارتين مفرومين ناعم وفنجان برغل ناعم منقوع ورشة ملح وعصير ليمونة كبيرة وفنجان زيت زيتون وبصلة مفرومة ناعمة
وصحة وعوافي
#ابداعات ام نضال
