كيكة الشطرنج, من أكثر أنواع الكيك فناً, حيث تتميز بمربعاتها البيضاء و السوداء التي تشبه تماماً رقعة الشطرنج في هذه الوصفة ستعلمنا المبدعة Ghamra Sy طريقة الحصول على كيكة الشطرنج بطريقة مبدعة ومتقنة, فلنتابع معها.
المقادير:
4 بيضات
القليل من بشر ليمون
ظرف فانيليا
كاسة ونص سكر
كاستين طحين
ظرفباكينج باودر
نص كاسة زيت نباتي
نص كاسة مي دافيه
الطريقة:
– 4 بيضات شوية بشرة ليمون ظرف فانيليا وكاسة ونص سكر عالخلاط بتضربيهم.
– وبتحطي بصحن بيركس كاستين طحين منخولين مع ظرف باكينج باودر, وبتضيفي الخليط اللي بالخلاط فوقهم وبتحركيه.
– بعدين ضعي على الخليط نص كاسة زيت نباتي وبتحركيه بعدين نص كاسة مي دافيه وبتخفيقهم منيح.
– بتدهني قالب الكاتو زيت وبترشي فوقو طحين بعدين بتصبي الخليط.
– بتحمي الفرن وبتدخلي الكاتو ع الشبك الوسط درجة 160 لمدة شي ساعة من تحت بس
– الكاتو عبارة عن 4 قوالب (صينية عادية ) 2 بيضاء اللون و2 سوداء اللون.
– قطعت قوالب الكاتو بقوالب الحديد اللي عندي هنن خاصين بالكاتو .
بعدين اخدت القطع اللي بالنص الدائرة الوسط وبدلتها بين الاسود والابيض يعني اخدت الدائرة السودة اللي بالوسط حطيتها مكان البيضة والبيضة اللي بالوسط مكان السودة, ونفس الشي بالقالبين التانيين,لكن قبل ما ابدل بين القطع كنت أدهن حرافهم كريما حتى يلصقو.
صور توضيحية:
– بعد ما دهنت بين القطع بالكريما بلشت رتب قالب اسود قالب ابيض فوقو وبيناتهم كريما حتى ال 4 طوابق بعدين دهنتو كلو بالكريما وغلفتو بعجينة السكر.
– جبت كرتونة ورسمت عليها مربعات وبلشت اترك مربع وافرغ مربع, وهيك لخلص الكاتو كلو.
بعتذر منكم الاضاءة حمرة فصاير قلب الكيك غامق بس هو بالحقيقة لونو أبيض واسود وهش كتيير.
لمتابعة الوصفة على جروب “زاكي”:
كيكة الشطرنج